O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Eshkak eshish sportida ilmiy-tadqiqot ishlarini tashkil qilish va o’tkazish. Ilm-fan haqidagi ob`ektiv nazariy bilimlarni tizimlash va ishlab chiqish fuksiyasini o’z ichiga oluvchi inson faoliyati sohasi sifatida qaraladi. Tarixiy rivojlanish davomida ilm-fan jamiyatning barcha sohalariga sezilarli ta`sir ko’rsatuvchi ishlab chiqarish kuchi va muhim omiliga aylandi.
Zamonaviy sharoitda ilm-fan jamiyatning barcha sohalarini, jumladan, ta`lim, jismoniy tarbiya va sport sohasida ham shiddat bilan o’zgarishlarni o’z ichiga oluvchi muhim omil hisoblanadi. Ilmiy-uslubiy tayyorgarlik soha bo’yicha faoliyat yurituvchi mutaxassislar kasbiy malakasining muhim tarkibiy qismi va oliy ta`lim muassasasi bitiruvchilari – bo’lajak mutaxassislarning yuqori darajadagi kasbiy tayyorgarligi garovi hisoblanadi.
Ilm-fanning maqsadi – ochilgan (o’rganilgan) yangi bilimlar, qonunlar asosida o’rganish predmetidan tarkib topgan borliq voqea, hodisa va jarayonlarni ta`riflash, tushuntirish va bashorat qilishdir.
Shunday qilib, ilm yangi yangi bilimlarni hosil qiladi, nazariya bu bilimlarni, jamoat amaliyotini, tajribasini umumlashtiradi va ayni paytda jismoniy tarbiya va sportda qo’llanadigan qonuniyatlarini yuzaga chiqaradi. Ammo, bilimlar faoliyatda amalga oshirilsagina foydasi tegadi.
Yangi bilimlarni hosil qilish ilmiy tadqiqot jarayonida – tushuncha, qonuniyat va nazariyalar tizimli ko’rinishda yuzaga chiqishi natijasida maqsadli bilish orqali amalga oshadi.
Jismoniy tarbiya va sportda ilmning maqsadi – sog’likni mustahkamlashga, sport natijalarini oshirishga, shaxsni har tomonlama rivojlanishiga ta`sir ko’rsatishga, jismoniy takomillashuv maqsadida inson organizmiga yo’naltirishda qo’llaniladigan qonuniyatlarni yuzaga chiqarish, yangi bilimlarni hosil qilish hamda jismoniy tarbiya va sport sohasida nazariy bilimlarni umumlashtirishni shakllantirishdan iborat.
Ilmiy tadqiqot ishlari turlari va ularning asosiy bosqichlari. Ilmiy tadqiqotlarni fundamental, izlanish va amaliy turlarga bo’lish mumkin.
Jadval
Ilmiy tadqiqot ishlari turlari

Tadqiqot turi	Tadqiqot natijalari
Fundamental ilmiy tadqiqot ishlari	Nzariy bilimlarni kengaytirish. Tadqiqot sohasida mavjud yangi ilmiy ma`lumotlarni, qonuniyatlarni hamda ilmiy asoslarni, uslub va tamoyillarni olish
Izlanish ilmiy tadqiqot ishlari	O’rganilayotgan mavzu bo’yicha chuqur tushunchalar uchun bilimlar hajmini kengaytirish. Ilm-fan rivojlanishi bashoratlarini ishlab chiqish; yangi qonuniyatlani qo’llash yo’llarini ochish.
Amaliy ilmiy tadqiqot ishlari	Yangi metodikalarni yaratish uchun aniq ilmiy muammolarni yechish. Metodika haqida yangi tavsiyalar, qo’llanmalar, hisob-kitoblar olish. Ilmiy tadqiqot mavzusi bo’yicha ilmiy ish tayyorlash imkoniyatini aniqlash.