O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

Konfessional g‘amxo‘rlik. Mazkur yordam turi o‘z yondashuvini har bir dinda mavjud bo‘lgan g‘amxo‘rlik to‘g‘risidagi chaqiruvlar asosida namoyon etadi. Bu ijtimoiy yordam sub’yektlari qatoriga jamiyatda mavjud bo‘lgan barcha diniy konfessialar kiradi. Dinlarning bir - biridan farq qilishiga qaramasdan, ulardagi g‘amxo‘rlik qilishga bo‘lgan chorlov ayni insoniy qadriyatlar qatorida bo‘lganligi uchun bir-biriga yaqindir. Masalan, barcha konfessialar insonning o‘z ijtimoiy holatiga mas’ulligi, mehnat qilishi lozimligi haqida aytib o‘tadi. Himoya qilinuvchilar toifasiga: nogironlar, bevalar, yetimlar, qariyalar va kam ta’minlanganlar mansubdirlar. Faoliyatning moliyaviy manbalari o‘rtasida ham farq bo‘lib mazkur holatda ular nobudjet vositalar asosida shakllanadi. Bu turli ehsonlar, maqsadli yig‘imlar, ko‘ngillilar mehnati, xo‘jalik faoliyati, xalqaro konfessional tashkilotlar yordami bo‘lishi mumkin.