O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

Xalqaro (gumanitar) yordam. Uning sub’yektlari xorijiy davlat va nodavlat tashkilotlari, xalqaro xayriya fondlari, shuningdek, jismoniy shaxslardan iborat bo‘lishi mumkin. Shu bilan birga, mamlakat hududiga kirib keluvchi har qanday xalqaro yordam, uning kelib chiqish (davlat yoki nodavlat) manbayidan qat’iy nazar hukumat va uning institutlari tomonidan nazorat qilinadi va taqsimlanadi. Yordam ob’yekti sifatida mamlakat, uning hududlari, ta’lim tashkilotlari, shuningdek, yuridik va jismoniy shaxslar namoyon bo‘lishi mumkin. Gumanitar yordam oluvchilarga bo‘lgan yondashuvda qat’iy belgilangan reglamentatsiyaning yo‘qligi asosiy ko‘rsatkich sifatida oila daromad darajasining o‘lchanmasligi bilan farq qilib, kombinatsion taqsimot va h.k.lar asosida amalga oshiriladi. Gumanitar yordamning moliyaviy asosi budjet va nobudjet mablag’lar, xayriya mablag‘lari va ko‘ngillilar mehnatidan tashkil topgan.

Nazorat va muhokama uchun savollar

1. 
   “Ijtimoiy” so‘zining lug‘aviy ma’nasini aytib bering.
   
2. 
   Nima uchun aholi ijtimoiy muhofaza qilinadi?
   
3. 
   Aholini ijtimoiy muhofaza qilish tizimining tarkibini aytib bering.
   
4. 
   Aholini ijtimoiy himoya qilishning qanday tamoyillarini bilasiz?
   
5. 
   Ijtimoiy zaif aholi toifalariga kimlar kiradi?
   
6. 
   Aholini ijtimoiy muhofaza qilishning asosiy funksiyalarini sanab bering.
   
7. 
   Ijtimoiy muhofazaning an’anaviy shakllariga nimalar kiradi?
   
8. 
   Ijtimoiy himoyaning innovatsion shakllarini aytib bering.