O‘quv qo‘llanma

Elektr ta’minot distansiyasi
Elektrta’minlash distansiyasi iste’molchilarini uzluksiz elektr bilan ta’minlashni o‘z zimmasiga oladi. Bunda birinchi navbatda tashish jarayonida qatnashuvchi barcha texnik vositalar, elektrta’minot qurilmalarini doimiy ishlashini ta’minlaydi. Elektrta’minot tizimiga tortish podstansiyalari, havoelektr uzatgich liniyalari, elektr bilan ta’minlovchi temir yo‘l bekatlari va korxonalari, signal uzatish dastgohlari kiradi.
“O‘TY”AJ uchun elektr tortgichlar dizel yoqilg‘isi bilan ishlaydigan tortgichlardan ko‘ra samaraliroqdir. Elektrovozlarni ishlatish tashish xarajatlarini kamayishiga olib keladi. Bundan tashqari elektr tortgichlar katta tortish kuchini ta’minlaydi va poezdlarni yurish tezligini oshiradi. Elektr tortgichi dunyo miqiyosida samaraliroq hisoblanadi, ekologik jihatdan foydalidir.
Elektrta’minlash distansiyalarining asosiy vazifalariga quyidagilar kiradi:

• 
  Istemolchilarni uzluksiz elektr bilan ta’minlash va elektr ishlab chiqarish rejasini bajarish;
  
• 
  Distansiya tarmog‘iga kiruvchi aloqa vositalarini, jihozlarni, uskunalarni, yuqori volltli elektr uzatgichlarni, elektrstansiyalar, harakatlanuvchi texnik vositalarni, texnik qarovini va joriy ta’mirini bajarish;
  
• 
  Ichki elektr tarmoqlari, elektrsimlari, elektrdasgohlar, ishlab chiqarish va kommunal binolardagi temir yo‘l balansida turuvchi peregonlarda va stansiyalardagi strelka ko‘rsatkichlarini hisobga olgan holda yorituvchi asboblarga texnik ko‘rik va joriy ta’mirni bajarish;
  
• 
  Elektr ta’minot distansiyasi balansidagi yordamchi korxonalar elektrta’minoti xo‘jalik ob’ektlari kapital ta’mirini bajarish.
  

Elektr ta’minot distansiyasi bulardan tashqari o‘zining elektrta’minot xo‘jaligi shtatiga ega bo‘lgan zavod, lokomotiv, vagon depolari, yirik vokzallarda texnik nazoratni bajaradi.
Ish hajmi va murakkabligiga qarab elektrta’minot distansiyalari guruhlarga bo‘linadi, ular ish ko‘rsatkichlari yig‘indisi asosida belgilanadi va shartli o‘lchovlarda ballarda ko‘rsatiladi.
Elektr ta’minot distansiyasi quyidagi ko’rsatkichlar bo’yicha hisobot ishlarini yuritadi:
-jadval
Elektr ta’minot distansiyasining asosiy ko’rsatkichlari

№	Кўрсatgichlar	O’lchov birligi
1	Moslamalarga texnik xizmat ko’rsatish bo’yicha ishlar xajmi	Texn.o’lch.
2	T/tortuv xolatini baholash	Ball.
3	El.energiyani realizatsiya qilish xajmi Shu jumladan tortish	Ming.kvt.soat Ming.kvt soat
4	Mehnat unumdorligi	Texn.o’lch.
5	Jami xodimlar soni Shu jumladan: Yuk tashish faoliyatida	Odam Odam
6	Pullik xizmatlar	Ming.so’m
7	Umumiy xarajatlar Shu jumla. yuk tashish faoliyatida Yordamchi xo’jalik faoliyatda	Ming.so’m
8	Jami daromadlar Shu jumla. yuk tashish faoliyatida Yordamchi xo’jalik faol-dan	Ming.so’m
9	Debitorlik karzdorlik	Ming.so’m
10	Kreditorlik karzdorlik	Ming.so’m
11	Asosiy fondlarni urtacha yillik kiymati	Ming.so’m