O‘quv qo‘llanma

Toshkent-yo‘lovchi stansiyasida texnik qarov nazorat punkti – yo‘lovchi poezdlarning texnik sozligini nazoratdan o‘tkazadi;
Texnik xizmat ko‘rsatish punkti (ta’mirlash sexi) – tormoz jixozi, avtoulash jixozi va xarakat qismlari, zarb-tortish qurilmalari joriy holatini TXK-1 va TXK-2 xajmidagi ishlarini bajaradi.
Texnik xizmat ko‘rsatishda quyidagilar tekshiriladi:

• 
  uzel va detallarning ahvoli va emirilishi hamda ularning belgilangan o‘lchamlarga mosligi;
  
• 
  tormoz uskunalari va avtotirkama qurilmalarining ish faoliyati;
  
• 
  yurgizish qismlarining ahvoli va sozligi ;
  

Bundan tashqari texnik xizmat ko‘rsatish punkti Toshkent-yo‘lovchi stansiyasidan poezd tarkibiga ulangan texnik-xizmat va pochta-bagaj vagonlarini ham reysga tayyorlash ishlarini amalga oshiradi.
Mazkur ishlarni bajarish uchun filialda maxsus yo‘llar mavjud. Ularning xar biri unda bajariladigan ish turiga mos ravishda maxsuslashtirilgan.
Texnik xizmat ko‘rsatish punktlari xodimlari o‘z vaqtida texnologik jarayon va poezdlar harakat grafigiga muvofiq vagonlarga texnik xizmat ko‘rsatish va ta’mirlashni amalga oshirishi kerak.
Majmuaviy sex – suvta’minoti va suv yig‘ish, dereza ramalarini ta’mirlash va oyna qo‘yish, framug, eshik, jovon, stollarni ta’mirlash va boshqa duradgorlik ishlarini amalga oshiradi;
Vagonlarni ekipirovkalash sexi – vagonlarni tashqi va ichki tomondan yuvish, yo‘lovchi tarkibni suv va ko‘mir bilan ta’minlash ishlari bajaradi;
Elektrotsex – yo‘lovchi vagonlarning elektr jixozlarini yig‘ish punktida va xarakat davomida profilaktik ta’mirlash, texnik qarovdan o‘tkazishni amalga oshiradi.
O‘rin-choyshablar majmuasi ekipirovkasi bo‘yicha sex – yo‘lovchi tarkibini yumshoq olinadigan inventarlar, choy ichish vositalari, o‘rin-choyshablar majmuasi ekipirovkasi bo‘yicha ishlarni bajaradi. Sex tarkibida vagonning ichki inventarlari va o‘rin-choyshablarga bo‘lgan talabni ta’minlovchi tikuv bo‘limi mavjud.
Xarakat sexi – tarkib shakllanishi, poezd ta’miri va ekipirovkasi, yo‘lovchilar chiqishiga tarkibni o‘z vaqtida uzatish kabi manevr ishlarini bajaradi;