|
Ma’lumotlar byurosi
Mazkur sektor yo‘lovchi poezdlarning kelishi va jo‘nab ketish vaqti, poezdlardagi bo‘sh o‘rinlarning bor yoki yo‘qligi va yo‘l chiptalarining narxi xaqida to‘liq ma’lumot beradi. Xar bir fuqaro temir yo‘l ma’lumotxonasi telefoniga qo‘ng‘iroq qilib zurur bo‘lgan ma’lumotni olishi mumkin.
O‘yin zali
Vokzal rahbariyati eng kichik yo‘lovchilar – bolalar uchun ham qulayliklar yaratish maqsadida o‘yinlar zalini barpo etishgan. Katta o‘lchamga ega bo‘lgan, issiq va shinam zal zamonaviy mebel va texnika bilan jixozlangan. Zalda Kichik shaxarcha bunyod etilgan va o‘yin zali navbatchisi bolalarga “ko‘z-quloq” bo‘lib turadi.
Dam olish xonasi
Poytaxtimiz mehmonlari uchun qulaylik yaratish maqsadida vokzalda sutka davomida dam olish xonasi va mexmonhona majmuasi ishlaydi. Poytxtning mashhur mexmonxonalari nomerlaridan qolishmaydigan xonalarga ega mexmonxona majmuasi mijozlarga yuqori sifatli xizmat ko‘rasatadi.
Avtoturargoh
Filial boshlig‘ining buyrug‘iga ko‘ra xizmat avtomobillari va filial ishchilari uchun avtomobillar to‘xtash joyi tashkil qilingan.
Yo‘lovchilarga boshqa turdagi xizmatlarni ko‘rsatuvchi sektorlar
Yo‘lovchilar, poytaxtimiz mehmonlari, kutib oluvchi va kuzatuvchilar va respublika aholisi uchun filal tomonidan bo‘sh binolar ijaraga berilgan. Ushbu binolarda umumiy ovqatlanish korxonasi, magazinlar tarmog‘i, to‘lovlarni qabul qilish punkti, reklama punktlari joylashgan.
16.4. Toshkent markaziy vokazli faoliyatini rivojlantirish yo‘nalishlari
“O‘ztemiryo‘lyo‘lovchi” AJ “Toshkent-Markaziy-Vokzali” filialida yo‘lovchilarga va tashrif buyuruvchilarga ko‘rsatiladigan xizmatlar sifatini oshirish va rivojlantirish uchun jaxon tajribasida vokzalning er osti yoki ustki qismidan samarali foydalanish tajribasini qo‘llash mumkin. Vokzal majmuasi bu yo‘lovchilarning funkitsonal talablarigagina javob berib qolmasdan ularga estetik zavq ham bag‘ishlay olishi lozim. Bu erda gap binoning dizayni shaharning ko‘rkiga ko‘rk qo‘shib turishi va shu bilan birga xavfsizlik, ishonchlilik va qurilish talablariga mos kelish xaqida bomoqda. Jaxon vokzal majmualarining rivojlanish tendensiyalarini hisobga olgan holda Toshkent markaziy vokazli faoliyatini rivojlantirish maqsadga muvofiq.
-rasm. Vokzal majmuasining asosiy rivojlanish tendensiyasi
Bino arxitekturasi va tutash hududlarni loyihalash ishlari sharq va g‘arb dizaynini o‘zida mujassam etishi va tutash hududlardan samarali foydalanish lozim. Shaxar aholisi va mehmonlar uchun vokzal majmuasida shaharning diqqatga sazovor joylari maketi, teatr va kino saroylari, ko‘rgazmalar, dam olish va saylgohlar xaqida to‘liq ma’lumot beruvchi kichik shahar maketi va xaritasi joylashtirilgan hudud bo‘lishi maqsadga muvofiq. Vokzaldan shaxarning istalgan hududiga etib borish imkoniyatini beruvchi transport kommunikatsiyalari va transport turlari xaqida ham to‘liq ma’lumot mazkur hududda joylashtirilgan bo‘lishi lozim. Ma’lumotni elektron ko‘rinishda ham ko‘rish imkoniyati mavjud bo‘ladi.
-rasm. Vokzal majmualariga tutash hududlar arxitekturasi va loyihasini rivojlantirish tendensiyasi
Vokzal majmuasida servis va komfort yaratish maqsadida ko‘rsatilayotgan xizmatlarni jaxon standartlariga moslashtirish, bunda albatta biz taklif qilayotgan servis yo‘lovchilar yuklarini poezdgacha yoki poezdddan vokzal majmuasidagi avtobus bekatigacha olib borishlari uchun maxsus arava xizmati tashkil qilinishi va ushbu aravalar o‘rtacha xajmdagi yuklar uchun mo‘ljallanishi, poezdlar to‘xtaydigan joylarda va vokzal majmuasiga kirish joylarida joylashtirilgan bo‘lishi kerak. Yo‘lovchi ushbu aravalardan foydalanib bo‘lganidan so‘ng qoldirib ketadi va ularni yig‘ib olib kelib joyiga qo‘yish bilan vokzalning maxsus xodimi shug‘ullanadi.
-rasm. Vokzal majmuasi hududida servis va komfortni ta’minlash
Ma’lumki, xizmat sifati ko‘rsatilayotgan xizmatning iste’mol xususiyatlarining bozor talablariga mosligi bilan belgilanadi. Xizmat sifati umumiy holda xizmat boshlanishini – iste’molchilar tomonidan kutish va ularning xizmatga bo‘lgan ehtiyoji qondirilishi parametrlari bilan xarakterlanadi.
-rasm. Majmuaviy xavfsizlik talablari
Xizmat sifatini belgilovchi muhim parametrlar quyidagilardan iborat:
1) xizmat ko‘rsatish sharoiti – ishlatilayotgan transport vositalarining asbob-uskuna va qurilmalar, malakali muhandis-texnik xodimlar bilan ta’minlanganligi, ofislarning jihozlangani va sh.k.;
2) xizmatning ishonchliligi, vazifalarning ma’lum ketma-ketlikda, belgilangan muddatda bajarilishi;
3) yuksak mas’uliyat – xizmatni bajarish kafolatlanganligi;
4) xizmat ko‘rsatishga buyurtma berishning iste’molchi uchun osonligi, iste’molchi xizmat vaqti va tarkibini tanlash ixtiyoriga egaligi
5) xizmat xavfsizligi, ya’ni iste’molchi tomonidan tavakkalchilik va ishonchsizlik yo‘qligi;
6) xushmuomalalik, xodimlar tomonidan xizmat buyurtmachisining tushunilishi va samarali muloqoti.
-rasm. Vokzal majmuasiga ekologik talab
Ekologik talab bu hozirgi davrdagi eng dolzarb masalalardan hisoblanadi. Temir yo‘l vokzallari aholi ko‘p to‘planadigan joylardan hisoblanganligi sababli ishlatiladigan texnika va texnologiyalar insonlarga va tashqi muhtga o‘zining salbiy ta’sirini o‘tkazmasligi shart. Ushbu tendensiya hozirda jahonning barcha vokzal majmualarida hisobga olinadi. Undan tashqari vokzal hududida mehmonlardan tashqari mazkur hududda yashovchi aholi ham yaratilgan savdo va boshqa ob’ektlar xizmatidan foydalanadi. Hududning ko‘kalamzorlashtirilganligi hudud aholisining bo‘sh vaqtlarida sayrga chiqishlari va sayr davomida vokzal majmuasi hududidagi xizmatlarning ayrim turlaridan (masalan, savdo do‘konlari, telefon, pochta, davriy nashrlar sotiladigan kioska va boshqalar) foydalanishi natijasida qo‘shimcha xizmatlardan tushadigan filial daromadiga o‘zlarining hissasini qo‘shadilar.
-rasm.Vokzal majmuasini boshqarish tendensiyasi
Mazkur bo‘limdagi ko‘rsatkichlar asosan filialning ish texnologiyasining tashkiliy va me’yoriy bazasini tashkil etadi.
Do'stlaringiz bilan baham: |
