Ona tiliva adabiyot

MMIBDO’ __________ __________________________
Sana:__________ 20___yil 7-sinf
Mavzu:Fe’l yasovchi qo‘shimchalarning qo‘llanishi
Darsning maqsadi:1.O’quvchilarga fe’l yasovchi qo‘shimchalarning qo‘llanishi haqida ma’lumot berish. Kundalik turmushda bu qoidalarga rioya qilishni shakllantirish. Nutqiy va lingvistik (tinglab tushunish, gapirish, o‘qish, yozish) kompetensiyalarni o’stirish. badiiy va san’at asarlarini tushunish;
2.Alisher Navoiy haqidagi bilimlarni mustahkamlash.Ajdodlarga munosib avlod ruhida tarbiyalash.San’atni his qilishni o’rgatish, badiiy adabiyotga, kitobxonlikka bo’lgan qiziqishni o’stirish. farzandlik va o‘quvchilik, fuqarolik burch va huquqlarini bilish, unga rioya qilish; xalqining tarixiy, ma’naviy va madaniy merosini avaylab asrashga chaqirish. bilimini mustaqil ravishda oshirib borish, o‘qib o‘rganganlarini o‘rtoqlari bilan muhokama qilish;
3.O’quvchilarning lug’at boyligini oshirish.Mustaqil ishlash ko’nikmasini o’stirish. Mavjud axborot manbalaridan foydalanib (internet, telefon, kompyuter, elektron pochta) ma’lumot almashish; odob-axloq qoidalariga rioya qilish;
Darsning turi:yangi bilim beruvchi va mustahkamlovchi
Darsning usuli:
Darsning jihozi: darslik,tarqatmalar, rasmlar, multimediya,…
Darsning borishi: A) Tashkiliy qism.
Salomlashish,davomatni aniqlash,o’quvchilarni darsga tayyorlash.
“Kun yangiligi” rukni asosida suhbat
B) O’tilganlarni mustahkamlash.
Uy vazifasi so’rab baholanadi. O’qilgan badiiy asarlar tahlili qilinadi.
S) Yangi mavzu:
1- topshiriq. Berilgan rasm asosida suhbatlashing.
1- mashq. Matnni o‘qing. Ajratib ko‘rsatilgan gaplarga e’tibor bering.
Alisher Navoiy nomidagi O‘zbekiston milliy kutubxonasi
Toshkent shahrida 1870- yilda Toshkent ommaviy kutubxo-nasiga asos solingan. 1948- yilda Alisher Navoiy tavalludining 500 yilligi munosabati bilan kutubxonaga shoir nomi berilgan. U 2002- yildan boshlab Alisher Navoiy nomidagi O‘zbekiston milliy kutubxonasi deb faoliyat yuritib kelmoqda. Unda 15 mingdan ortiq nodir kitoblar saqlanadi. Kutubxona fondida O‘rta Osiyoning XX asr boshlarigacha bo‘lgan tarixi, etnografiyasi, geografiyasi va madaniyatiga oid 594 jilddan iborat noyob ensik-lopediya to‘plamlari bor.
2010- yilda ushbu kutubxonaning tashkil etilganiga 140 yil to‘ldi.
(„ Ma’naviyat qalb quyoshi“ ma’lumotnomasidan)
Bilib oling!
Son, ong so‘zlariga -a, -la fe’l yasovchi qo‘-shimchalari qo‘shilganida, asosdagi o tovushi a tovushiga aylanadi va shunday yoziladi: ong — angla, son — sana kabi.
2- mashq. Gaplarni o‘qing. Yasama fe’llarni toping va ular tarkibida sodir bo‘lgan tovush o‘zgarishlarini tushuntiring.
1.G‘iyosiddin Kichkina o‘z o‘g‘lini Alisher deb atadi. 2. Yosh Alisherni atrofda sodir bo‘layotgan adolatsizliklar qiynaydi.
5. O‘rtoqlari bilan o‘ynab yurgan Alisherning ko‘zi beixtiyor tarixchi olim Sharafuddin Ali Yazdiyga tushdi. 4. Hazrat Navoiy bir umr xalq manfaatini o‘ylab yashadi. 5. Men shoirning hik-matli so‘zlarida chuqur ma’no borligini qalbdan angladim.
D)Mustahkamlash.
2- topshiriq. Berilgan ma’lumotlarni o‘qing va shu ma’lumotlar asosida o‘zaro suhbatlashing.
— „Xamsa“ („Beshlik“) asari Alisher Navoiy ijodining eng cho‘qqisi hisoblanadi.
— „Xamsa“ turkiy tilda yaratilgan bo‘lib, beshta dostondan iborat.
— 1985- yilda „Xamsa“ning 500 yilligi nishonlangan.
— Navoiy asarlari lug‘ati 1972- yilda G‘afur G‘ulom nomi-dagi adabiyot va san’at nashriyoti tomonidan chop etilgan.
— Alisher Navoiyning „Farhod va Shirin“ dostoni 1968-yilda Boku shahrida ozarbayjon tilida (Hamid Orasli) nashr etilgan.
— Moskva shahrida 2006- yil bo‘lib o‘tgan „Kitob san’ati“ uchinchi xalqaro tanlovida „Boqiy satrlar“ turkumida chop etilgan besh kitobdan iborat Navoiyning „Xamsa“ asari nashri oltin medalga sazovor bo‘ldi.
— Moskva, Tokio va Boku shaharlarida Alisher Navoiy xotirasiga muhtasham haykallar o‘rnatilgan.
F) Baholash
Uyga vazifa. „Alisher Navoiy“ spektakli yoki filmini ko‘ring va taassurotlaringizni so‘zlab bering.