“Она тили ў?итиш махсус методикаси” номли дарслик

O‘z diktant yoki yoddan yozish. 
  O‘z diktant 4-7 sinflarda o‘tkaziladi. Bu turdagi diktant o‘quvchilarga grammatika 
va  orfografiyadan  olgan  bilimlarini  mustahkamlashga  yordam  berishi  bilan  birga 
og‘zaki  va  yozma  nutqini  o‘stirishda  ham  katta  ahamiyatga  ega.  O‘z  diktant 
o‘tkazish uchun o‘tilgan qoidaga va sinf o‘quvchilarining saviyasiga mos keladigan 
kichik bir parcha (agar she’riy asar bo‘lsa, bir to‘rtlik) tanlanadi. Tanlangan parchani 
o‘qituvchining o‘zi bir necha marta o‘qib beradi. O‘quvchilar matnni yodlab olgach, 
matn bekitiladi. O‘quvchilar yodlab olganlarini daftarga yozadilar.   Shuniig uchun 
ham  diktantning  bu  turi  o‘z  diktant  yoki  yoddan  yozish  deb  yuritiladi.  O‘quvchilar 
diktantni  yozib  bo‘lganlaridan  so‘ng,  doskadagi  matn  ochiladi.  O‘quvchilar 
yozganlarini  doskadagi  yozuv  bilan  solishtiradilar  va  o‘z  xatolarini  tuzatadilar. 
O‘qituvchi parta oralab o‘quvchilar ishini tekshiradi. 
  
So‘ngra  daftarlarni  yig‘ib  oladi.  O‘z  diktantda  o‘tilgan  mavzularni 
mustaxkamlash  maqsadida  qo‘shimcha  topshiriqlar  ham  berish  mumkin.  Masalan, 
qo‘shiqdagi  buyumni  bildiradigan  so‘zlarni  tagiga  chizish  va  ularning  bosh  harf 
bilan  yozilish sababini  aniqlash kabi va boshqalar.  Bunday  qo‘shimcha  topshiriqlar 
o‘quvchilarni  yanada  qiziqtiradi,  ularningfaolligini  oshiradi.  5-7  sinflarda  vaqti  –
vaqti bilan o‘z diktant o‘tkazib turish kerak.