ҚЎҚон давлат педагогика институти тасвирий фаолиятга ўргатиш методикаси модули бўйича

ИШЧИ ДАСТУР
Ишчи дастур Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли Фармони, 2017 йил 26 сентябрдаги “Педагог кадрларни тайёрлаш, халқ таълими ходимларини қайта тайёрлаш ва уларнинг малакасини ошириш тизимини янада такомиллаштириш чора-тадбирлари тўғрисида”ги ПҚ-3289-сонли Қарори, шунингдек, 2016 йил 29 декабрдаги “2017-2021 йилларда мактабгача таълим тизимини янада такомиллаштириш чора-тадбирлари тўғрисида”ги ПҚ-2707-сонли қарори, 2017 йил 9 сентябрдаги “Мактабгача таълим тизимини тубдан такомиллаштириш чора-тадбирлари тўғрисида”ги ПҚ-3261-сонли қароридаги замонавий талаблар асосида мактабгача таълим муассасалари тарбиячилари вазифаларининг мазмунини такомиллаштириш ҳамда уларнинг касбий компетентлигини мунтазам ошириб боришни назарда тутади.
Дастур мазмуни таълим-тарбия жараёнларини ташкил этишнинг меъёрий асослари блоки модуллари мактабгача таълимни ривожлантиришнинг концептуал асослари, мактабгача таълим тизимида таълим-тарбия жараёнларини ташкил этишнинг ҳуқуқий-меъёрий асослари, умумкасбий тайёргарлик блоки модуллари тарбиячининг касбий маҳорати ва компетентлиги, мактабгача педагогика, мактабгача ёшдаги болаларнинг психологик хусусиятлари, мактабгача ёшдаги болалар физиологияси ва гигиенаси асослари, мутахассислик бўйича тайёргарлик блоки модуллари нутқ ўстириш назарияси, математик тасаввурларни шакллантириш, жисмоний тарбия, табиат билан таништириш, тасвирий фаолиятга ўргатиш методикалари, ўқув жараёнини ташкил этишнинг замонавий усулларини ўз ичига олади ва улар бўйича тегишли янги билим, кўникма, малака ва компетенцияларни шакллантиришни таъминлайди.
Тасвирий фаолиятга ўргатиш методикаси модули ишчи дастури доирасида берилаётган мавзулар мактабгача таълим муассасалари тарбиячилари касбий қайта тайёрлаш курслари ўқув режаси асосида шакллантирилган бўлиб, тингловчиларда тарбияланувчиларни тасвирий фаолиятга ўргатиш методикасига оид касб маҳоратини, ўқув-услубий фаолиятини юксалтириш билан боғлиқ компетенцияларини ривожлантиради.
Мактабгача таълим муассасалари тарбиячиларининг касбий қайта тайёрлаш йўналишининг ўзига хос хусусиятлари ҳамда долзарб масалаларидан келиб чиққан ҳолда, дастурда тингловчиларнинг мутахассислик модуллари доирасидаги билим, кўникма, малака ҳамда компетенцияларига қўйиладиган талаблар такомиллаштирилиши мумкин.
Модулнинг мақсади ва вазифалари
Тасвирий фаолиятга ўргатиш методикаси модулининг мақсади - мактабгача таълим муассасалари тарбиячилари касбий қайта тайёрлаш курслари тингловчиларини тарбияланувчиларда тасвирий фаолиятга ўргатишга шакллантиришга оид билимлар бериш ва амалиётда қўллаш компетенциялари- ни ривожлантиришдан иборат.
Модулнинг вазифаларига қуйидагилар киради:

• 
  Тасвирий фаолиятга ўргатишнинг турлари, метод ва усулларини билиш ва қўллаш;
  
• 
  Мактабгача ёшдаги болаларни тасвирий қобилияти ва ижодкорлигини ривожлантириш;
  
• 
  Мактабгача ёшдаги болаларда тасвирий фаолиятни шакллантиришнинг замонавий технологияларидан фойдаланиш кўникмаларини ривожлантиришдан иборат.
  

Модул якунида тингловчиларнинг билим, кўникма, малака ва компетенцияларига қўйиладиган талаблар:
Касбий қайта тайёрлов курси бўйича тингловчилар қуйидаги янги билим, кўникма, малака ҳамда компетенцияларга эга бўлишлари талаб этилади.