Nizomiy nomidagi toshkent davlat pedagogika universiteti jismoniy madaniyat nazariyasi va metodikasi fanidan

7-Modul: Jismoniy tarbiyaning metodik va maxsus tamoyillari
№7 Mavzu: Jismoniy tarbiyaning metodik va maxsus tamoyillari
Reja:
1. Jismoniy tarbiyaning umumiy tamoyillari
2. Jismoniy tarbiyaning maxsus tamoyillari
3. Jismoniy tarbiyadarsi jarayonida metodik va maxsus tamoyillarni qollash.


Tayanch iboralar. Jismoniy tarbiya, tamoyil, medod, tizim, aqliy, ahloqiy, estetik, mehnat, jismoniy, shaxsni har tomonlama rivojlantirish, onglilik va faollik, ko‘rsatmalilik, bajara olish va individuallashtirish tamoyili.


Tamoyilning umumiy ta’rifi rus tili izohli lug‘atida biror nazariya, ta’limot, fanning asosiy boshlang‘ich qonuni (qoidasi) sifatida tushuntiriladi. Ta’lim va tarbiya tizimida tamoyil deganda “Yo‘naltiriluvchi qoida”, “Asosiy qoida”, “Ko‘rsatma” tushuniladi. Tamoyillarning amaliy ahamiyati shundan iboratki, ular sinovlar va xatolar qilish yo‘lidan holi ravishda belgilangan maqsadga aniq borishga imkon beradi, vazifalarni hal etish negizini ochadi hamda ularni amalga oshirishning asosiy qoidalarini belgilab beradi.
Ta’lim va tarbiya tizimining g‘oyaviy asoslarini aks ettiruvchi tamoyillar qatoriga jamiyatning tarbiyalash strategiyasiga oid umumiy ijtimoiy tamoyillarini kiritish mumkin. Ular insonning maqsadli har tomonlama rivojlanishini hamda tarbiyaning jamiyat amaliy hayoti bilan uzviy bog‘liqligini ta’minlash uchun ijtimoiy omillardan (madaniyat, tarbiya, ta’lim) foydalanishni nazarda tutadi.