Mundarija: 6 – sinf tarix

Goplit-Qadimgi Yunoniston va Yunoniston-Makedoniya armiyalarining og`ir qurollangan piyoda jangchisi.
Shahar-davlat (polis)-tevaragidagi hududlarni tasarrufiga olgan
o`zini-o`zi boshqaruvchi shahar; Qadimgi Yunoniston va Rimdagi kichik mustaqil davlat; polisda hokimiyat teng huquqli fuqarolar qo`lida bo`lgan.
Danaylar-Gomer "Iliada"da yunonlarni shunday atagan.
Delta-Nil daryosi o`rtayer dengiziga quyilayotganda uchburchaksimon yalpi manzarani yuzaga keltiruvchi makon.
Demokratiya-har bir fuqaro o`z mamlakatini boshqarish masalasi bo`yicha o`z fikrini bayon etadigan, shuningdek, davlat boshqaruvida ishtirok etadigan ijtimoiy tuzum.
Diadohlar (vorislar)-Makedoniyalik Aleksandr vafotidan keyin turli hududlar ustidan hokimiyatni egallab olgan harbiy sarkardalar.
Diktator-favqulodda vaziyatlar ro`y bergan taqdirda tayinlanuvchi yakkaboshchi hukmdor.
Dinastiya (sulola) - birin-ketin hukmronlik qiluvchi podsholar urug`i; sulola vakillari ko`pincha bitta nom bilan aytilgan, masalan, Ahamoniylar.
Qarzdorlik qulligi-qarzni vaqtida qaytarmagan erkin fuqarolarning qullarga aylantirilishi jarayoni.
Qurbonlik bag`ishlash-mehr-shafqatini qozonish maqsadida xudolarga tortiq etiladigan hadyalar.
Kohinlar-ibodatxona ruhoniylari.
Zikkurat-tepasida ibodatxonasi bo`lgan zinapoyali yirik minora. Iyerogliflar-qadimgi yunonlar misrliklar yozuvini shunday atashgan; "muqaddas bitiklar" ma'nosini anglatadi.
"Iliada"-Gomerning Troya urushi haqidagi dostoni.
Imperiya-hukmdorning cheklanmagan hokimiyati joriy etilgan davlat.
Italiklar -Apennin yarimorolida istiqomat qilgan qadimiy qabilalar.
Kapitoliy tepaligi-Rimdagi eng baland tepalik.
Koloniyalar-o`z yurtini tark etgan odamlar tomonidan yangi yerlarda asos solingan manzilgoh va shaharlar.