Mintaqaviy temir yo‘l uzelining texnik foydalanish tasnifi

Vagon oqimlarini tashkil etish……….............................................
26
2.1.	Yuk poyezdlarini tuzish rejasini hisoblash………………………….	26
2.1.1.	Vagon oqimlari yiriklashtirilgan jadvalini tuzish…………………....	27
2.1.2.	Jo‘natuvchi marshrutlar tuzish rejasi hisobi………………………....	27
2.1.3.	Bir guruhli poyezdlarni tuzish rejasi hisobi……………………….....	31
2.1.4.	Poyezdlar tuzish rejasining qulay variantini aniqlash..........................	33
3.	2-MTU uchastkalarining o‘tkazuvchanlik qobiliyati…………….	41
3.1.	2-MTU uchastkalari bo‘yicha harakat miqdori va poyezdlar turini aniqlash……………………………………………………………..	41
3.2.	Poyezdlar harakati grafigining asosiy elemetlarini aniqlash………..	45
3.3.	 Zaruriy o‘tkazish qobiliyatini hisoblash…………………………….	48
3.4.	Mavjud o‘tkazish qobiliyatini hisoblash…………………………….	49
3.5.	Uchastkalarning o‘tkazish qobiliyatini oshirish bo‘yicha tadbirlar o‘tkazish……………………………………………………………	52
4.	Poyezdlar harakati grafigi va lokomotivlar aylanmasi…………	57
4.1.	Poyezdlar harakati grafigini tuzish…………………………………	57
4.2.	Poyezdlar harakati grafigi ko‘rsatkichlari………………………….	63
4.2.1.	Texnik tezlik………………………………………………………...	68
4.2.2.	Uchastka tezligi……………………………………………………..	69
4.2.3.	Uchastka tezligi koeffitsiyenti………………………………………	70
4.3.	Lokomotivlardan foydalanish ko‘rsatkichlari………………………	70
4.3.1.	Lokomotiv aylanmasi……………………………………………….	70
4.3.2.	Lokomotivlardan foydalanish parki…………………………………	71
4.3.3.	Lokomotivning sutkada o‘rtacha bosib o‘tgan masofasi……………	74
5.	2-MTU foydalanish ishlarining asosiy ko‘rsatkichlari…………	75
	Xulosa ...............................................................................................	80
	Foydalanilgan adabiyotlar ro‘yxati ...............................................	82
	Ilova…………………………………………………………………	83

Kirish

O‘zbekiston Respublikasida temir yo‘l transporti ko‘p tarmoqli iqtisodiyotni hayotini ta’minlash, ko‘p miqdorda yuk va yo‘lovchilarni tashish hamda ijtimoiy ahamiyatga ega bo‘lgan transport xizmatlarini amalga oshirishda juda muhimdir.

Temir yo‘l uchastkalari poyezd ishlarini tashkil etishda yuk va vagon oqimlarini to‘g‘ri va oqilona tashkillashtirish temir yo‘llarning foydalanish ishlarining ko‘plab sifat ko‘rsatkichlariga ta’sir qiladi. Shuning uchun temir yo‘l uchastkalari poyezd ishlarini tashkil etishda poyezdlar tuzish rejasining eng qulay varianti asosida poyezdlar ishini oqilona tashkil etish, Mintaqaviy temir yo‘l uzeli (MTU) tarkibidagi stantsiyalarda vagonlar va poyezdlarga ishlov berish minimal vaqtlarini ta’minlash, temir yo‘l liniyalarining tashish va o‘tkazuvchanlik qobiliyatlari va harakatdagi tarkiblardan samarali foydalanish zarur hisoblanadi. Shuningdek, u poyezdlar harakat grafigini ishlab chiqish uchun asos bo‘lib xizmat qiladi. Temir yo‘l transportida texnik foydalanish qoidalarida ko‘rsatilganidek, temir yo‘l uchastkalari poyezd ishlarini tashkil etishning asosini poyezdlar harakat grafigi tashkil etadi va u yuklarni va yo‘lovchilarni tashishda temir yo‘l korxonalarining barcha ishini birlashtiradi.

Harakat grafigi, poyezdlar harakati bilan bog‘liq temir yo‘l transporti korxonalarining stansiya, texnik xizmat ko‘rsatish punktlari, lokomotiv va vagon depolari, elektr ta’minot uchastkalari, signalizatsiya va aloqa masofalarini barcha ishlar rejasi bo‘yicha umumiy transport konveyeriga birlashtiradi.

Poyezdlar harakati grafigida har bir poyezdning peregon bo‘yicha yurish vaqti, ajratish punktiga qabul qilish, jo‘natish yoki to‘xtamasdan o‘tkazib yuborish vaqti, lokomotivlarning aylanish stansiyalarida bo‘lish davomiyligi o‘rnatilgan.

Ushbu bitiruv malakaviy ishida 4 ta MTUdan iborat bo‘lgan temir yo‘lning yillik yuk oqimlarini sutkalik vagon oqimlariga aylantirish, vagon oqimlari jadvallarini shakillantirish, 2-MTUning texnik foydalanish tavsifini keltirish, uning uchastkalarida yuk poyezdlarining og‘irlik me’yorlarini va yukli, bo‘sh va aralash turdagi poyezdlar tarkibidagi vagonlar sonini topish, jo‘natish marshrutlari soni va mahalliy ishlar hajmini aniqlash, yuk poyezdlar tuzish rejasining eng qulay variantini tanlab olish va shu asosida poyezdlar tuzish, 2-MTU uchastkalari bo‘yicha poyezdlar harakat miqdorini aniqlash, o‘rganilayotgan uchastkalarning talab etiladigan (zaruriy) va mavjud o‘tkazuvchanlik qobiliyatlarini taqqoslash natijasida ularni oshirish tadbirlarini belgilash hamda topshiriqda berilgan uchastkalar uchun poyezdlar harakati grafigini tuzish, terma poyezdlarni harakat grafigiga aniqlangan samarali variant asosida joylashtirish, lokomotiv brigadalarining smena almashinishini va lokomotivlarning aylanish stansiyalarida bog‘lanishlarini ko‘rsatish hamda poyezdlar harakat grafigining asosiy va 2-MTUning foydalanish ishlari ko‘rsatkichlarini hisoblash to‘g‘risidagi ma’lumotlar batafsil bayon etilgan.