|
6 - §. Аҳолини кучли ижтимоий ҳимоялаш – давлат сиёсатининг бош йўналишидир
Синф тахтасига қуйидаги ёзув ёзиб қўйилади:
«Биз ўзимизнинг шароитимизда кўп болали оилаларга, қарияларга, бечора ҳолларга мадад бермасак ҳамма
нарса портлаб кетади, ҳеч қандай бозор ёки ишбилармончилик
бўлмайди. Шу сабабли мен, Президент сифатида
камбағалларнинг манфаатларини ҳимоя қилиш йўлини
қатъий ва жуда қаттиққўллик билан ўтказмоқдаман»
Ислом Каримов
Миллий истиқлолимиз туфайли жамиятимизнинг бозор иқтисодиётига босқичма-босқич ўтиши, шўролар давридаги давлат ҳукмрон мафкураси бўлган андозалардан мустасно бўлиш, мамлакатимиз ижтимоий ҳаётининг барча соҳаларини том маъносида демократиялаш жараёнини ижтимоий-сиёсий ҳаётининг барча жабҳаларига фаоллик билан сингдириб бормоқда. Президент ислом Каримов алоҳида қайд этиб ўтганидек, «Эндиги долзарб вазифамиз – бу жараённинг илмий-назарий асосларини, уларнинг янги-янги қирраларини мукаммал очиб бериш, ўқувчиларимиз, талабаларимизга, кенг жамоатчиликка содда, лўнда қилиб тушунтириб беришдан ва уларни жамият қурилишининг фаол ва жўшқин иштирокчиларига айлантиришдан иборатдир».
Мамлакатимиз ижтимоий ҳаётида энг долзарб бўлган бундай вазифаларни амалга ошириш, талабаларда миллий истиқлол ғояларини жадаллик билан шакллантириб боришда ижтимоий фанлар ўқитувчиларининг, биринчи галда миллий истиқлол ғояси фани ўқитувчиларининг масъулиятлари бениҳоят каттадир. Яна шуни эътиборга олиш керакки, сўнгги йилларда республикамиз таълим тизимига ривожланган мамлакатлар педагоглар дунёси билан ўрнатилган узвий алоқаларимиз туфайли республика даврий маьбуотида «янги педагогик технология», «таълимнинг фаол усуллари», «дебрифинг», «перцептив», «мияга ҳужум» - (брейнстроминг), «пинборд» ва ҳоказо антиқа иболар ва дарс усуллари - «Ақлий ҳужум», «интерактив усул», «дефрифинг» каби иборалар пайдо бўлди. Шу жоиз, биз қуйида «Аҳолини кучли ижтимоий ҳимоялаш – давлат сиёсатининг бош йўналишидир» мавзусида ўтказилган ноанъанавий дарс структураси ва унинг баёни хусусидаги дарс вариантини кўриб чиқамиз. Мазкур мавзудаги дарс вариантларидан фақатгина «ноанъанавий» усулнигина тавсия этиб шу борадагина эмас, балки «мазкур мавзуни янада самарали ўтказишда талабалар яна қандай варинатларни тавсия этган бўлур эдилар!» деган муаммоли саволни ҳам ўртага ташламоқчимиз. Лозим топсангиз қуйидаги дебрифинг яъни икки томонлама саволларга эътибор берсангиз:
1. Сиз ушбу мавзуни илмий-методик ва дидактик жиҳатдан кенг қамровли ишлаб чиқишда яна нималарга эътибор беришингизни тавсия этасиз? Ёки ушбу мавзунинг мотивацияси яна нималарни тақозо этади?
2. Ушбу мавзуни ўрганишда сизда педагогик амалиёт давомида қандай муаммолар пайдо бўлиши мумкин? Сиз шу муаммоларни қандай бартараф этишингиз ёки тўғрилашингиз мумкин?
3. Сиз ушбу мавзуда дарс самарадорлигини ошириш учун яна қандай ўзгаришлар киритишингиз мумкин?
4. Таклиф этилган вариантларингиз илмий-методик ва дидактик жиҳатдан қандай амалга оширилади?
5. Мазкур дарсда эришган муваффақиятларингизни яна бир бор яниқ системалаштириб кўринг. Сиз мазкур дарсда кузатган мақсадингизга эришганлигингизни аниқ исботлар билан кўрсатиб беришга ҳаракат қилинг.
6. Ниҳоят, дарс хусусида қандай хулосага келдингиз.
Энди муаммоли таълим элементларини ўзида мужассамлаштирилган ноанъанавий дарснинг ишланмасига ўтамиз.
Мавзу: «Аҳолини кучли ижтимоий ҳимоялаш – давлат сиёсатининг бош йўналишидир».
Ўрганиладиган мавзунинг мотивацияси: мавзуни ўрганиш жараёнида инсоният тарихида архиактуал масала ҳисобланган «аҳолини кучли ижтимоий ҳимоялаш» масаласини муқаддас Ислом дини тамойилларидан бошлаб, жаҳон давлатчилигига ва давлат раҳбарларининг фаолиятлари мисолларига интеграцион ёндошган ҳолда, Ўзбекистон Республикаси Президенти, Академик Ислом Каримов томонидан ишлаб чиқилган ва мустақил Ўзбекистон Республикасининг кундалик амалий фаолиятига бевосита тадбиқ этиб келинаётган «Ўзбек модели» асосида «аҳолини кучли ижтимоий ҳимоялаш – давлат сиёсатининг бош йўналиши эканлигини талабаларга атрофлича тушунтириб беришдан иборатдир».
Мавзу олдиндан кўчма доскага ёзиб қўйилган қуйидаги режа асосида баён этилади:
Do'stlaringiz bilan baham: |
