Microsoft Word Ko‚chmas mulkka investitsiyalash doc

Yechim: investitsion kreditlash. Bu muammoni yechish yo‘li 
sifatida Aleksey Chijov bankka kelishilgan daromadni, developerga esa 
– ba’zi mustaqillikni ta’minlovchi investitsion kreditlashni taklif etadi. 
Investitsion kreditlash jarayonida bank investitsion kapitalni muomalaga 
kiritadi, masalan, 70% aksiya bankda va 30% developerda. Jalb etilgan 
obyekt daromad keltira boshlagach, developer o‘z ulushidan bankdan 
aksiyalarni sotib oladi. Bir muddatdan so‘ng, shirkat bankka tegishli 
barcha aksiyalar ulushini sotib oladi va 100% ega bo‘lib qoladi. Bank 
uchun investitsion kreditlash yaxshigina ishlab olish usulidir: odatiy pul 
kreditidan investitsion kredit bo‘yicha foizlar, odatda, balandroq. Pul 
krediti bo‘yicha stavka 12% yillikni tashkil etsa, investitsion kreditda u 
15% yillikdir. Ammo bank uchun jalb etilgan summani yo‘qotish riski 
ham ko‘proq: qurilgan obyekt daromadsiz bo‘lib chiqishi yoki developer 
o‘ylaganidek, daromadli chiqmasligi mumkin. Developer uchun investit-
sion kredit oddiy kreditni olish imkoni bo‘lmaganda unumlidir.