Microsoft Word Conf-селекция rtf

Мош (ловиянинг Осиё тури) касалликларига ўта чидамли. Аммо бу тур ўсимликлари америкали 
гурух турларининг ўсимликлари билан чатишмайди. 
Селекция усули. Мош селекциясида табиий дурагайлаш, тур ичида ва узоқ шаклларни 
дурагайлаш, кимёвий ва радиацион мутагенез натижасида ҳосил бўлган популяцияларда якка ва оммавий 
танлаш катта ахамиятга эга. 
Ловиянинг (мошнинг) аксарият навлари маҳаллий ёки четдан интродукция қилинган нав ва 
популяцияларда бир мартали якка танлаш йўли билан яратилган. 
Якка танлаш талаблари далада энг юқори ҳосилли, замбуруг касалликларга, вирусли ва бактериал 
касалликларга чидамли, дуккаклари баланд жойлашган, ёрилмайдиган ўсимликлар танлаб олинади. Ҳар 
бир ўсимликнинг уруғи селекцион кўчатзорида алоҳида-алоҳида килиб экилади ва йил давомида 
авлодлари ўрганилиб энг яхшиларининг уруғи ажратиб олиниб назорат кўчатзорда дастлабки ва конкурс 
нав синашида ўрганилади, синалади ва кўпайтирилади. 
Ўзбекистон Шоличилик илмий тадқиқот институтида мошнинг 154 та коллекция намуналари 
мавжуд. 2012 йилда селекция кўчатзорида 27 та нав намуналари синаб кўрилди. Тошкент вилоятининг 
иқлим шароитида синалган навларнинг ўсув даври ва 1000 та дон оғирлиги қуйидагича бўлди: селекция 
кўчатзорида Филиппиндан олиб келинган мош намуналарини 43000189, 412441, 412804, 414360, 412669, 
412815, 412690 ўсув даври 108-112 кун, 1000 та дон оғирлиги 43.8-52 граммгача бўлди.
Ҳиндистондан олиб келинган мош намуналаридан АГ-92273, 361, 362, 414361, 320560, 320550 
ўсув даври 106-108 кун, 1000 та дон оғирлиги 40,6-50,8 граммгача бўлди. 
Ўзбекистонда яратилган Радость, Бўка, Маҳаллий, Турон, Маржон намуналарининг ўсув даври 
107-111 кун, 1000 та дон оғирлиги 46,8-77,8 граммгача бўлди. Шуни алоҳида таъкидлаш керакки, 
ўсимликнинг ўсув даври ва 1000 дон оғирлиги ташқи муҳит шароитларига ва агротехника боғлиқдир. 
Мош селекциясида тур ичида дурагайлаш кенг ривожланган. Бу билан барча турлараро 
дурагайлаш хам қўлланилади. Охирги йилларда мош селекциясида сунъий мутагенездан кенг 
фойдаланилмокда. Ўзбекистонда охирги йилларда мош селекция ишлари натижасида Қахрабо, Наврўз 
навлари районлаштирилган ва Давлат реестрига киритилган.