Mavzu. Boshlang‘ich ta’lim pedagogikasida ta’lim qonuniyatlari, qoida va pirinsiplari. Boshlang‘ich ta’lim metodlari va vositalari reja

Namoyish metodining samarali qo’llanilishi nimalarga bog’liq? Namoyish metodining samarali qo’llanilishi ko’p jihatdan bilish jarayonining o’quvchilar yoshiga mos holda to’g’ri tanlanishiga, ularning diqqatini namoyish etilayotgan predmetning muhim jihatlariga samarali yo’naltira olinishiga bog’liq.
Tasvirlash (illyustratsiya) metodi nima? Tasvirlash metodi narsa, hodisa, jarayonlarni ularning ramziy ko’rinishlari – chizma, portret, rasm, fotosurat, yassi modellar va boshqalar yordamida ko’rsatish degani.
Qanday metodga ekskursiya metodi deb nomlanadi? Ekskursiya narsa va hodisalar mohiyatini tabiiy sharoitlar (ishlab chiqarish muassasalari, fermer va jamoa xo’jaliklari, tabiat) yoki maxsus muassasalar (muzey, ko’rgazma zallari va h.k.)da bevosita o’rganilishini tashkil etishdir.
Ko’rgazmali metodlardan foydalanishda qanday shartlarga amal qilish lozim?
Ko’rgazmali metodlardan foydalanishda quyidagi shartlarga amal qilish lozim:

• 
  ko’rgazmalilikning o’quvchilar yoshi va rivojlanish darajasiga mos kelishi;
  
• 
  namoyish etilayotgan ob’ektlarning barcha o’quvchilarga yaxshi ko’rinib turishi;
  
• 
  namoyishda boshlang’’ich bosqich va asosiy jarayon (holat)larning ajralib turishi;
  
• 
  tajribalar namoyishi maket, jihoz, qurollar yoki tajriba sxemasini chizib ko’rsatish asosida tashkil etilishi;
  
• 
  namoyish va illyustratsiya o’quv materialining mazmuni bilan uyg’un bo’la olishi lozim.
  

Amaliy ishlar metodi nima? Amaliy ishlar metodi o’zlashtirilgan bilimlarni amaliy masalalarni yechish jarayonida qo’llashni taqozo etadi, bunda o’quvchilar nazariy bilimlarni amaliyotda qo’llash ko’nikmasi, malakasini samarali o’zlashtiradilar.
Amaliy ishlar metodining turlari qaysilar? Mashq, laboratoriya ishlari va amaliy ishlar metodining turlari sanaladi.
Mashqlar metodlari qanday metodlardan tarkib topadi? Mashqlar metodlari quyidagi metodlardan tarkib topadi:
1. Mashqlar – nazariy (aqliy) yoki amaliy (jismoniy) harakatlarni bajarish ko’nikmalarini egallash yo’lidagi ko’p marta takrorlanishlar bo’lib, mashqsiz ko’nikma, malakalarni shakllantirish mumkin emas; mashqlar og’zaki, yozma, grafik (texnik jarayonlarni yoritish), ijtimoiy-foydali, jismoniy va boshqa turlarga bo’linadi.
2. Yozma mashqlar – ta’limning tarkibiy qismi sifatida zaruriy ko’nikma, malakalarni shakllantirish va mustahkamlash uchun qo’llaniladi. Diktant, insho, masala, misol, referat yozish, tajribani yoritish yozma mashq sanaladi.
3. Grafikaviy ishlar yozma ishlarga o’xshash bo’lib, ulardan texnik jarayonlar (geografiya, fizika, matematika, chizmachilik, rasm, texnologik ta’lim)da keng ko’lamda foydalaniladi.