Машғулотдан кўзланган мақсад

II. Янги мавзуни ёритиш;
III. Бирламчи мустаҳкамлаш: ташқи нутқда билимларни бошланғич мустаҳкамлаш;
IV.Иккиламчи мустаҳкамлаш: мустақил иш (ўз фаолиятини текшириш ва баҳолаш билан) ички нутқда билимларни мустаҳкамлаш;
V.Умумлаштириш: янги билимларни такрорлаш орқали орттирилган билимлар тузумига киритиш, умумлаштириш;
VI.Дарсга якун ясаш ва уйга вазифа.
Эслатма: Ҳар бир дарснинг ташкилий қисми ҳам бўлиб, унга кўра дарс бошланишидан олдин керакли жиҳозлар ва кўргазмали қуроллар ҳамда тарқатма материаллар ҳозирлаб қўйилади. Саломлашилади, давомат текширилади.
Мотивация – босқичининг мақсади ўқувчиларни онгли равишда дарсдан таълим жараёнига олиб кириш, дарснинг мақсади ва мазмунининг асосий йўналишлари билан таништиришдан иборат. Дарс мавзусини долзарблаштириш орқали ўқувчиларни янги мавзуга тайёрлаш янги мавзуни ўзлаштириш учун лозим бўладиган билимлар базасини текшириш, ўқувчилар билимидаги камчиликларни аниқлаш. Янги мавзуга оид муаммоли вазиятни келтириб чиқариш учун дарс мавзуси ва унинг мақсади айтилади. Ўқувчилар эътибори турли кўргазмали воситалар, схемалар ёрдамида ҳам оғзаки (вербал) ҳам кўргазмали (визуал) қилиб янги мавзунинг характерли қирралари, мавзуга доир ҳаётий масала муаммо сифатида ўқувчилар эътибори қаратилади. Бу босқичда ақлий ҳужум методидан фойдаланиб ўқувчилар мулоқотга чорлаш мумкин (Тақдимот 18-20-слайдлар)
Янги мавзуни ёритиш босқичида дарснинг асосий ўқув материаллари баён этилади. Уни баён қилишда мотивация босқичида юзага келтирилган вазиятдан келиб чиқиб у ёки бу услуб қўлланилади. Агар мотивация давомида ўқувчиларнинг мавзуни ўзлаштиришга оид билимлари етарли эмаслиги аниқланса, бу ҳолда ўқитувчи кейинги таълим жараёнига ўзи аралашши, қўйилган масала ечимини ўзи намойиш қилиши лозим бўлади. Агар ўқувчилар билими етарли бўлса, ўқувчиларни гуруҳларга ёки жуфтларга бўлиб мустақил иш ташкил қилинади. Ўқитувчи бу ҳолда ўқувчилар гуруҳига муаммо ечимини топишда ташқаридан туриб йўл-йўриқ бериб ҳам туриш мумкин.