Дарс босқичлари ва унинг дарс турига қараб турлича бўлиши
Дарс жараёни, асосан:
а) ташкилий қисм (дарсни ташкил қилиш);
б) ўтган дарсни сўраш ва баҳолаш;
в) янги мавзуни баён қилиш;
г) янги ўтилган мавзуни мустаҳкамлаш ва баҳолаш;
д) дарсни якунлаш (хулосалаш) ва уйга топшириқ бериш каби босқичлардан иборат.
Ташкилий қисм (дарсни ташкил қилиш). Ўқувчилар билан саломлашилади. Дарс ўтказиладиган хонанинг дарсга тайёрлигига эътибор берилади. Бу ишларга 2-3 минут сарфлаш тавсия этилади.
Ўтган дарсни сўраш ва баҳолаш. Уй вазифаларининг тўлиқ бажарилганлигини, уларнинг тўғри ёки нотўғрилигини текшириш, унда йўл қўйилган хато ва камчиликларни кўрсатиш, ўқувчиларнинг ўтган дарс мавзусини қандай ўзлаштирганлигини аниқлаш ва баҳолаш учун 5-10 минут сарфлаш тавсия этилади.
Янги мавзуни баён қилиш. Ўқитувчи ҳар бир дарсни дарслик мундарижасидаги мавзулар кетма-кетлигида ўтиши лозим. Дарснинг бу қисмига 15-20 минут сарфлаш тавсия этилади.
Янги ўтилган мавзуни мустаҳкамлаш ва баҳолаш. Янги ўтилган мавзуни ўқувчилар онгига мустаҳкамлаш учун ўқитувчи махсус тайёрлаб келган саволларни ўқувчиларга ҳавола қилади, дарсликдаги ҳар бир мавзу сўнгига келтирилган топшириқлар ва масалалардан танлаб ечилади.
Дарснинг бу қисмига 10-15 минут сарфлаш тавсия этилади.
Дарсни якунлаш (хулосалаш) ва уйга топшириқ бериш. Ҳар бир дарс ундан хулоса чиқариш ва ўқувчиларга уйда бажариш учун топшириқ бериш билан якунланади. Дарснинг бу қисмига 4-6 минут вақт ажратиш тавсия этилади.
Мактабда кимё таълими мақсадлари ўқувчиларда бошланғич мактабда табиатшунослик ва юқори синфлар билан узвийлик алоқаларини сақлаган ҳолда асосий кимёвий тушунчалар тизимини моделлаштиришни кўзда тутади. Ҳар соҳада жадаллашиб бораётган ўзгаришлар таълим тизими олдига фақатгина кимёвий билимларни ўргатишни эмас балки, ўқувчиларда бу билимларни мустақил ўрганиш кўникмаларини ривожлантиришни долзарб вазифа қилиб қўймоқда.
Шунга кўра кимё фани бўйича олиб борилаётган дарслар анъанавий дарслар билан бир қаторда замонавий таълим технологияларига асосланган, ўқувчиларнинг кўпроқ ўзларини мустақил изланишга, фаолиятга чорлайдиган услублардан фойдаланишни тақозо этмоқда. Бу ҳолат кўпгина ривожланган давлатлар педагогика жамиятлари ва олимлари томонидан қайд қилиб, таълим тизимига замонавий таълим технологиялари қўлланила бошланди. Шундай услублардан бири ўқувчиларни мустақил фаолиятга чорлайдиган технология асосида ишлаб чиқилган.
Янги мавзуни ўрганишга оид интерактив фаолият дарсининг таркибий тузилмаси қуйидаги босқичлардан иборат бўлиши мумкин.
I. Мотивация: таълим олишга ундов, ўқувчиларни янги мавзуга қизиқтириш, мавзуни долзарблаштириш, мавзуга оид муаммони вазиятни келтириб чиқариш;
Do'stlaringiz bilan baham: |