Kamal mámbetov, Kama

Qoblan obrazš: Dástanda®ı barlıq waqıya Qoblan obrazınıń átirapına jámlengen. Ol xalıq ármanında®ı hesh nárseden qorqpaytu®ın, eli-xalqı ushın janın pidá etetu®ın, bahadır batır obrazında súwretlenedi. Onıń xalıq qaharmanı ekenligi mına sózlerinen belgili boladı:

Men atadan bol®anda, Ermen dep men bol®anman, Men anadan tuw®anda,

Narman dep men tuw®anman
Bul dúnya®a kelgende, Ólmek ushın kelgenmen, Ólimniń ha®ın bilgenmen, Aq kirewke sawıtım, Isqatım dep kiygenmen, Ústimdegi aq kóylek, Kepinim dep kiygenmen. Bawırı tartıq sarı jay, Uranım dep júrgenmen, Ispixan semser qılıshtı, Quralım dep júrgenmen, Sabı altın aq qanjar, Iymanım dep bilgenmen, Qara®ay saplı aq nayza, Say®a®ım dep júrgenmen.

Qoblan óziniń barlıq kúshin xalıq jawı dep esaplan®an sırtqı dushpanlar®a dáwlerge qarsı jumsaydı. Ol jaw xabarın esitse, taysalmastan o®an gúreske tayın turadı. Bul onıń xarakterine tán bol®an tereń patriotizm sezimlerinen derek beredi.

Qoblan óz elin, tuw®an jerin shın júrekten súygen patriot batır. Dástanda batırdıń tuw®an jerin qız®ın muhabbat penen súyiwi shın júrekten shıqqan jalınlı sózleri menen jırlanadı. Qoblan ózi joqta jaw shawıp ketken elin izlep keledi. Kelse pútkil xalqın Alsha®ır xannıń basqınshıları bende qılıp aydap ketkenin kóredi. Sonda®ı batırdıń tuw®an jerine, óz xalqına bol®an súyiwshiligi dástanda ayrıqsha jalınlı muhabbat penen jırlanadı:

Munda xalqın kórmedi, Joqlap Qoblan eńredi, Qara kól degen kól ediń Batpa®ıńa bir awnap, Júrgen balań men edim, Jel qayıq minip astıma, Tutqın alıp qolıma,

Ań awlap shıqsam ústińe, Aldırmawshı edi úyregiń.

Qoblan óz xalqın qanday jalınlı muhabbat penen súyse, xalqı da óziniń batır perzentin sonshelli dárejede ulı®laydı.

Xalıq Qoblandı «boz atawdıń tul®ası», «xalıqtıń tiregi»,
«miywala®an daraqtıń miywesi» dep táripleydi.
Dástanda Qoblan obrazınıń xalıqshılı®ı, jetim-jesirge, jarlı-gedeylerge ®amxorlıq etkeni de atap kórsetiledi. Aqsha- xannıń ®aziynesinen 43 ®ashır zer aladı. Bul zerdi Qoblan jetim-jesir, kámba®al-gedeylerge úlestirip beredi.
Solay etip, dástandı dóretken xalıqtıń qıyalında Qoblan obrazı óz dáwiri ushın eń jaqsı, unamlı obrazlardıń biri bolıp tabıladı.