Kadrlar tayyorlash Milliy Dasturi

Kirish.

Mazkur dastrur "Kadrlar tayyorlash Milliy Dasturi"ning ta’limning ijtimoiylashuvi bo`limida ko`rsatib o`tilgan talaba-yoshlarning eksperimental psixologik bilimlarini, dunyoqarashini boyitish, ularda eksperimental psixologiya qonuniyatlari asosida jamoadagi shaxslararo munosabat, psixologik jarayonlarni rivojlanishini shakllantirish qonuniyatlari xaqida ko`nikmalarni shakllantirish, eksperimental psixologiyaning tarixiy va nazariy rolini jamiyatimizda olib borilayotgan ishlar orqali amalga oshirishga qaratilganligi bilan belgilanadi.

Laboratoriya mashg`uloti maqsadi: talabalarda eksperimental bilimlarni shakllantirish, ularni shu orqali psixologik xususiyatlarning mohiyatini tahlil etishga, shaxsning o`ziga xos psixik xususiyatlarini tahlil etish hamda psixofizik, psixofiziologik va sof psixologik qonuniyatlarni tahlil etishga o`rgatishdan iborat.
Laboratoriya mashg`uloti vazifalari:
- psixik jarayonlarning psixofiziologik va sof psixologik qonuniyatlarini tahlil etish;
- eksperimental psixologiya orqali shaxsni psixik jarayonlarni turli holatlarda namoyon bo`lish qonuniyatlarini tushuntirish;
- psixologik jarayonlarni tahlil va tadqiq etish malakasini hosil etish, eksperimental psixologiyani ilmiy asoslarini o`rgatish;
- psixologik qonuniyatlarini psixofizik va psixofiziologik qonuniyatlar asosida rivojlantirish;
- fanning asosiy tushuncha va tamoyillarini o`zlashtirishda talabalarda tanqidiy tafakkurni rivojlantirishga o`rgatish.
Tuzuvchi: Nasimov S
2- SEMESTR
LABORATORIYA MASHG`ULOTLARI ISHLANMALARI.

1. 
   Laboratoriya ishi. E.A.Klimovning differentsial-diagnostik so’rovnomasi.
   

Maqsad: E.A.Klimovning differentsial-diagnostik so’rovnomasi yordamida kasbiy qiziqish va moyillikni o`rganish
Kerakli jihozlar: metodika namunasi, javoblar varaqasi
Bu metodika yordamida sinaluvchiga faoliyatning u yoki bu turidan qaysi biri unga ko`proq ma’qul ko`rishligi va shunga mos ravishda qaysi kasbga moyilligi aniqlanadi. Atoqli psixolog olim Ye.A. Klimov kasblarning besh asosiy tipini farqlaydi (tabiat, texnika, odam, belgilar tizimi, badiiy obraz).