Жавоблар ўзбекистон тарихининг фан сифатидаги ўрни

163. XX асрнинг 50-60 йилларида сув иншоотларининг қурилиши ва бунда ўзбек халқининг меҳнат жасорати. Республика деҳқончилиги қадимдан сунъий суғоришга асосланган ўзбек халқи сувни оби ҳаёт деб ардоқлайди.Каналлар қуриш, эскиларини таъмирлаш, ариқларни тозалаш ишлари доимо ҳашар йўли билан амалга оширилган.Бу анъана ҳозиргача давом этади.50-йилларнинг ўрталарида Сирдарёда Боёвут канали, Фарғона ва Наманган вилоятлари орқали ўтган Охунбобоев номли канал, Қашқадарё, Самарқанд вилоятларида Эски Ангор канали қурилди.1954 йили Наманган вилоятида Косонсой сув омбори ишга туширилди.Иттифоқ ҳукуматининг кўрсатмаси билан 1956 йили пахтани кўпайтириш мақсадида Мирзачўлдаги 300 минг гектар унумдор ерларни ўзлаштиришга қарор қилинди.Шу муносабат билан 1961-йили 127 км.узунликдаги Жанубий Мирзачўл канали қурилди.1968-йили 63 км.узунликдаги Марказий Мирзачўл канали қурилди.Амударёдан Бухорога сув етказиш мақсадида 1965-йили узунлиги 200 км.бўлган Аму-Бухоро канали қурилди.Унинг сувини 67 м.бландликга тортиб берувчи йирик насос станциялари бунёд этилди.Бу канал Бухоро вилоятидаги 90 минг гектар ер, 26 минг гектар янги ерлар суғорилди.Бундан ташқари Қизилқум сахросида майдони 300 минг гектардан ортиқ бўлган яйловлар суғорилди.Қарши дашти,Сурхон-Шеробод водийсини ўзлаштириш муносабати билан Жанубий Сурхон сув омбори, Занг, Шеробод ва Аму-Занг каналларининг қурилиши Сурхон-Шеробод водийсини суғоришга имкон берди.Республикада йирик сув омборлари ҳам бунёд этилди.Урушдан кейинги икки ўн йилликда 10 та сув омбори қурилди.Жумладан Бухоро вилоятида Қуйимазор, Қашқадарё вилоятида Чимқўрғон, Тошкент вилоятида Тошкент сув омборлари ишга туширилди.Пахта майдонларини кенгайтириш мақсадида совет ҳукумати томонидан суғориш иншоотлари тармоғининг шиддат билан кенгайтирилиши республика учун катта салбий оқибатларга олиб келди.Каналлар, сув омборлари ва бошқа сув иншоотлари қўриқ ерларни ўзлаштириш имконини берди.Шу билан бирга, бу иншоотлар яқин атрофидаги жойларга салбий таъсир кўрсатди.Бу ирригация қурилишлари натижасида ер ости сувлари сатҳи юқорига кўтариб, ҳайдаладиган ерларни шўр ва ботқоқ босди, боғ-роғлар, токзорлар қуриб қолди.