Иссиқлик нурланиши

ФОТОЭФФЕКТ ВА УНИНГ ҚОНУНЛАРИ
Фотоэффект – ёруғлик таъсирида жисмдан электронни ажратиб чиқаришдир. Бу ходисани биринчи марта 1887й Г.Герц кузатган. Фотоэффект бўйича миқдорий текширишларни рус олими А.Столетов (1888-1889) бажарди. Столетов тажрибасида 2 электроддан бири пластинка шаклида, 2- эса тўрсимон шаклда ва улар гальванометр занжирига уланган. Қурилма қоронғуликка жойлаштирилган. Катод вазифасини ўтаётган пластинка ёритиши билан занжирда ток пайдо бўлади. Анод вазифасини ўтаётган тўр ёритилса, занжирда ток вужудга келмайди. Ёруғлик таъсирида катод сиртидан манфий зарядли зарралар ажралиб чиқади ва улар анод томон харакатланиб , занжирда катод сиртидан манфий зарядли зарралар ажралиб чиқади ва улар анод томон харакатланиб , занжирда электр токини хосил қилади. Бу фототок дейилади.




1898 й Ленард ва Томсон катоддан ажралиб чиқаётган зарраларнинг магнит майдонда оғишига асосланиб, уларнинг солиштирма зарядини аниқладилар. Бу эса катоддан ажралаётган зарралар электронлар деган хулосага олиб келди.
Фотоэффект ходисаси пластинка (катод)нинг тозалик даражасига хам боғлиқ эканлиги тажрибаларда аниқланди. Шунинг учун Фотоэффект ходисасини ўрганишда вакуумда катод текширилиши лозим бўлган металл билан қопланган бўлади. Монохроматик нурлар дастаси шиша идишдаги деразадан ўтиб катод сиртига тушади.
Кучланиш вольтметр ёрдамида, фототок эса гальванометр ёрдамида ўлчанади. 3-расмда ёруғлик оқими Ф1 ва Ф2 бўлган холлар учун фототокнинг анод ва катод орасидпги кучланишга боғлиқлигини ифодаловчи эгри чизиқлар, яъни вольт – ампер характеристикалар тасвирланган. Электр майдон тезлатувчи характерга эга (катодда + , анодда - ) . Кучланишнинг бирор қийматидан бошлаб фототок ўзгармай қолади, яъни тўйинади. Фотоэлектрон-ларнинг барчаси анодга етиб боради. Фототокларнинг бу қиймати тўйиниш токи дейилади.



Бу тажрибалар фотоэффектнинг биринчи қонунини келтириб чиқаради:
Муайян фотокатодга тушаётган ёруғликнинг спектрал таркиби ўзгармас бўлса, фототокнинг тўйиниш қиймати ёруғлик оқимига тўғри пропорционалдир.