Ishtirok etuvchilar

Hamlet

Otam — ha?

Gorasio

Diqqat bo'lmang, taajjub qilmangiz shuncha.

Quloq soling. So'ylayman g'alati qissa.
Bu guvohlar tasdiqlab berar naqlimni.

Hamlet

Tezroq aytib beringiz, azbaroyi haq!

Gorasio

Poyloqda turar ekan bu ikki janob,

Bernardo va Marsellga ikki tun qator
Kechaning jim qo'ynida ko'ringan arvoh.
Boshdan-oyoq qurolli — jonli kishiday
Shohona qadam bosib o'tgan emish u.
Otangizga o'xsharmish u zoti-sharif.
Bularping mot ko'zlari oldidan aniq —
O'tgan emish uch marta bir quloch nari,
Bularni ter bosgan-u, tillari qotgan.
Men ham turdim poyloqda uchinchi kecha.
Keyin bu mudhish sirni aytdilar mepga.
Janoblarning gaplari juda rost ekan,
O'sha ma'lum soatda ko'rindi arvoh.
Otangiz yodimdadur. Ikkalasi bir,
Xuddi bu qo'llar kabi.

Hamlet

U qaydan o'tdi?

Marsell

Soqchilar turadigan maydon yonidan.

Hamlet

A, saz gaplashdingizmi?

Gorasno

Unga gapirdim.

Qayta-qayta so'radim, hech indamadi.
Ammo bir pas qayrilib o'girdi boshin,
Gapirmoqchi bo'lgandi menga, mazmuni,
Lekin birdan shu chog'da, qichqirdi xo'roz,
Bu tovushdan qaltirab holib u arvoh —
G’oyib bo'ldi ko'zlardan.

Hamlet

Motman bu ishga.

Gorasio

Ulay agar, Shahzoda, bu — chin, haqiqat,

Burchimizdir sizni ham xabardor qilmoq.

Hamlet

Ha, ha, to'gri! Asabim bosilur hozir,

Kim bu kecha poyloqchi?

Marselldl va Bernarda
Bizmiz, Shahzoda.

Hamlet

U arvoh qurollimi?

Marsell va Bernardo

Ha.

Hamlet
Boshdan-oyoq?
Marsell va Bernardo
Boshdan-oyoq!