Telekomunikatsiyalarni rivojlantirish vazirligi muhammad al-xorazmiy nomidagi toshkent davlat

Innovitsiyalarni joriy etish orqali esa quyidagilar ta’minlanadi:
-maktab kutubxonasining kitobxonlarga mo’ljallangan funktsional zonalaridan ratsional foydalanish;
-xizmat ko’rsatish jarayonida olinadigan axborotlarni o’zaro muvofiqlashtirish;
kutubxona axborot resurslari bo’yicha ma’lumotnoma-bibliografiya tizimini yaratish sohasida boshqa tizim va idoralarga qarashli kutubxonalar bilan o’zaro hamkorlikni o’rnatish;
-kutubxonada tushayotgan so’rovlar va imkoniyatlaridan kelib chiqib xizmatlar turini kengaytirish;


Innovatsion faoliyat bosqichma-bosqich amalga oshiriladi.
Birinchi bosqichning maqsadi – aniq o’zgarishlarni keltirib chiqargan zaruriyatni anglab yetish va belgilash; ularni kutubxonachilik amaliyotiga joriy etish haqida qaror qabul qilish. O’zgarishlarning maqsadlari va ob’ektlarini quyidagicha aniqlab olish muhimdir, kutubxonachilik xizmatlari; texnologik jarayonlar; kasbiy kompanentlikni rivojlantirish; kutubxonani boshqarish.
Innovatsion faoliyatni amalga oshirishning ikkinchi bosqichida zarur ishlanmalar, kerakli yangiliklar, innovatsion takliflarni qidirib topish va foydalanish uchun innovatsion yechimlarni tanlash muhimdir.

Uchinchi bosqichda yangilikni ishlab chiqish imkonini beruvchi barcha jihatlarni aniqlab chiqish lozim. O’z innovatsion g’oyasini ishlab chiqish uchun jamoa (loyihalash guruhi) tuziladi. Unga innovatsion loyiha bo’yicha bajariladigan hamma ishlar majmuasi yuklanadi. Loyihalash guruhiga kutubxonachilar, o’qituvchilar, maktab o’quvchilari, ota-onalar, boshqa tizim va idoralarga qarashli kutubxonalar vakillari kirishlari mumkin. Ular tadqiqot ishlarini o’tkazadilar, kutubxona xodimlarining malakasini oshirish dasturi tuziladi, loyihalar tayyorlanadi.

To’rtinchi bosqich – bu innovatsiyani aprobatsiyadan o’tkazish bosqichi. Uning maqsadi – tajriba-sinov tekshiruvi natijasida barcha muammolarni aniqlash va qo’yilgan vazifani oxirigacha bajarish uchun axborot bazasini tayyorlash.
Innovatsion faoliyatning beshinchi, yakuniy bosqichida innovatsiyani joriy etish va o’zlashtirish (egallash)ga alohida e’tibor qaratiladi.
Maktab kutubxonasi uchun kutubxonachilik xizmatlari, texnologik jarayonlar, kutubxonani boshqarish va hokazolar o’zgartirish kiritiladigan ob’ektlar sanaladi. Maktab kutubxonasini takomillashtirishda quyidagilar tavsiya etilishi mumkin: maktab o’lkashunoslik muzeyini tashkil etish; bolalarni maktabga, oliy o’quv yurtlariga tayyorlash kurslarini amalga oshirish; yoshlar uchun ommabop tibbiyot bo’yicha o’quv zallari, axborot olish madaniyati bo’yicha mashg’ulotlar, kechalar, oilaviy bayramlar, intellektual – ijodiy o’yinlar, o’quv – biluv tanlovlari o’tkazishni tashkil etish ahamiyatlidir.
O’quvchilarni bunday ishlarga jalb etish o’quvchilarning bilim olishga bo’lgan qiziqishlarini oshirishi, shubhasiz.