«Миллий истиқлол ғояси» фанини ўқитишнинг таълимий ва тарбиявий аҳамияти

Ўқувчи-талабаларга миллий истиқлол ғоясини сингдиришда профессор-ўқитувчилар фаолиятини такомиллаштиришнинг долзарб вазифалари
1. “Миллий истиқлол ҳояси: асосий тушунча ва тамойиллар” туркумига кирувчи фанларни ўқитишда эришилган тажрибаларни ўрганиш ва уни оммалаштиришни йўлга қўйиш.
2. Ушбу фан ўқитувчиси биринчи навбатда мутахассис, ўз фанини яхши биладиган, фидойи, замонавий педагогик технологиялардан унумли фойдаланадиган, уларнинг янги усулларини кашф эта оладиган, ижодкор педагог бўлиши лозим.
3. Таълим беришда ўқитувчи ҳар қандай вазиятда оддий усулларда ҳам мукаммал билим бериш йўлларини излаб топмоғи ва уларни моҳирона қўлламоғи керак.
4. Фан бўйича тайёрланаётган педагог кадрларнинг сифатига эътибор бериш ва уларнинг мутахассисликлари бўйича ишлашини таъминлаш зарур.
5. Профессор-ўқитувчиларни замонавий педагогик технологиялар билан қуроллантириш бўйича уларнинг малакасини оширишнинг мукаммал тизимини яратиш.
6. Ўтказиладиган машғулотларга соҳа олимларини таклиф этиш орқали баҳс-мунозаралар, савол-жавоблар ўтказиш.
7. Профессор- ўқитувчиларнинг ғоявий тарғиботни ташкил этиш учун етарли тайёргарлик ва билимларга эга бўлишини таъминлаш.
Миллий истиқлол ғоясини ўқувчи-талабалар онгига сингдиришда фанлараро боғлиқлик ва узвийликни таъминлаш
Бу борада умумтаълим фанлари миллий истиқлол ғояси бўйича ўқувчиларнинг билимини бойитишда муайян имкониятларга эга.
Умумтаълим фанлари, жумладан, ижтимоий-гуманитар фанлар ҳамда Ўзбекистон Конституцияси ва Ўзбекистон Президенти асарларини ўрганиш жараёнида миллий истиқлол ғоясини ўқувчи-талабалар онгига сингдириб бориш ишларини такомиллаштиришни йўлга қўйиш муҳим аҳамиятга эга.
Ушбу фанлар ва махсус курсларнинг мазмунига миллий истиқлол ғоясини уларнинг ҳажмига зарар етказмаган ҳолда моҳирлик билан сингдиришга эришиш ва уйғунлаштириш керак. Шарчи турли касбий ва фан йўналишига қараганда миллий истиқлол ғояси соат ҳажмига кўра бир оз фарқ билан ўтилса-да, ўқувчи-талабаларнинг миллий истиқлол ғоясини ўзлаштиришлари ва амалда ҳаётга тадбиқ эта олишларига эришишда ижобий самарасини берсин.
Узвийлик ва узлуксизлик ҳақида гап кетар экан, теварак оламда, ҳамма нарсада бир-бирига узвий ва чамбарчас боғлиқлик бўлгани каби, таълимда ҳам ҳамма нарса бир-бири билан вобаста эканини ёдда тутиш лозим. Дарҳақиқат, узвийлик талабалар олаётган билимнинг аниқ тартибга солинишини таъминлайди.
Узвийлик ва узлуксизлик дарсликлар ва дарснинг тузилишида ҳам намоён бўлиши керак. Яъни мавзуни тушунтириш, такрорлаш, мустаҳкамлаш, ўрганилган материални идентив мақсадлар қўйиб текшириш талаб қилинади. Токи ўқувчилар тизимли асосда ишлаш малакасига эга бўлсинлар.
Фанлараро алоқалар масаласига алоҳида эътибор м қаратиш лозим. Чунки, ҳар бир предметнинг ички тузилишида бошқа бир қатор предметларга доир материаллар мавжуд бўлади. Масалан, “Миллий истиқлол ғояси: асосий тушунча ва тамойиллар” фанида фалсафа, тарих, педагогика, психология, ҳуқуқшунослик, иқтисодиёт ва бошқа фанларга доир билимлар талаб қилинади.
“Миллий истиқлол ҳояси: асосий тушунча ва тамойиллар” фанида, умуман ижтимоий-гуманитар фанларда фанлараро алоқалар таъминланса, бу бир-бирини такрорлашнинг олдини олади.
Узлуксизлик – “Миллий истиқлол ғояси” фани мавзулари, бўлимлари, босқичларининг оддийдан мураккабга қараб ўзаро боғланганлиги, бардавомлиги демакдир.
“Миллий истиқлол ғояси” фанидан ўқув дастурлари таълим турлари бўйича тузилган бўлиб 1-4 синфларда бу фаннинг алифбоси, яъни, энг содда шаклдаги маъно ва мазмуни «Одобнома» дарсларига сингдирилган. Ҳар бир синфда 6-8 соат дарс берилган бўлиб ўқувчиларнинг билим даражалари ва ёш хусусиятларига мослаштирилган.
5-6 синфга мўлжалланган ўқув дастурида ҳар бир синфга 34 соатдан дарс ажратилган ва 40 та мавзу берилган. Уларда миллий истиқлол ғояси ва мафкурасининг энг муҳим мавзулари берилган. Қуйида биз буни кўриб чиқамиз.