Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Лaбoрaтoрия иши мaвзулaри

1.	Электр занжирини йиғиш, унинг турли қисмлардаги ток кучи ва кучланишни ўлчаш
2.	Ток кучини реостат ёрдамида ростлаш
3.	Ўтказгич қаршилигини амперметр ва вольтметр ёрдамида аниқлаш
4.	Ўтказгичларни кетма-кет ва параллел уланишини ўрганиш
5.	Энг оддий электромагнит қурилмасини йиғиш ва унинг ишлашини синаб кўриш
6.	Ўзгармас ток электр двигателини ўрганиш
7.	Трансформаторнинг тузилишини ва ишлашини ўрганиш

Электр занжирини йиғиш, унинг турли қисмларидаги ток кучи ва кучланишни ўлчаш

Керакли асбоб ва материаллар: аккумулятор ёки учта элементдан тузилган батарея, тагликка ўрнатилган паст кучланишли лампа, калит, амперметр, уловчи симлар.

Ишдан мақсад: занжирнинг турли қисмларида ток кучи қандай ўзгаришини ўрганиш.
Ишнинг бажарилиш тартиби:
1. Расмда кўрсатилганидек, занжирни тартиб билан кетма-кет йиғинг.
Амперметрнинг кўрсатишларини ёзиб олинг. Сўнгра амперметрнинг ўрнини алмаштириб туриб, кўрсаткичларини ёзиб олинг. Хулоса чиқаринг.
2. Дафтарингизга асбобларнинг занжирга уланиш схемасини чизиб олинг.
Эслатма: кетма-кет уланган бошқа бирор асбобсиз амперметрни бевосита ток манбаи қисқичларига улаб бўлмайди, чунки бу билан амперметрни ишдан чиқариб қўйиш мумкин.