Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Дарсга ҳозирлик кўриш
Лаборатория ишига тайёргарлик кўрилар экан, физика кабинетининг санитария-гигиеник ҳолатига алоҳида эътибор берилиши лозим(ҳаво алмашинуви, озодалиги ва ҳ.к). Физикадан тажриба ўтказиш учун зарур бўлган асбоб ва жиҳозлар тозаланган, қуритилган ҳолатда бўлиши лозим. Тажриба мақсади ва тълим мазмунига қараб, тегишли асбоб ва жиҳозлар стол устига жойлаштирилади. Бунда, лаборант-ассистант йўриқномада кўрсатилган асбоб ва жиҳозларни белгиланган тартибда эҳтиёткорлик билан стол устига териб чиқади. Ҳар бир асбоб ва жиҳознинг ўз ўрни бўлиши лозим. Тажриба ўтказилиб бўлингандан сўнг, барча асбоб ва жиҳозлар жой-жойига қўйилиши керак. Бу қоидани ўқувчиларга сингдириб боориш ва у одат тусига киришига эришиш керак.
Кўрилган асбоб ва жиҳозлар йиғиб олингач, уларни артиб ва соз ҳолатда эканлигига ишонч ҳосил қилиниб жой-жойига қўйилади. Ўқувчилар томонидан бажариладиган тажрибалар физиканинг қайси бўлимига тегишли эканлиги ва уларни қачон ва қандай бажариш, асбоб ва жиҳозларни лаборатория ишига тайёрлаш ва улардан самарали фойдаланишга эътиборларини кучайтириш, шунингдек, ўқувчиларда асбоб ва жиҳозларга нисбатан эҳтиёткорлик ҳиссини тарбиялаш, тажрибаларнинг хавфсизлигини таъминлаш, тажриба натижаларини таҳлил этиш мобайнида физикавий қонуниятларнинг тўғри ва илмий асосланганлиги ҳақида хулосалар чиқариш каби билим ва малакаларни ҳосил қилишга йўналтирилган.
Дарсга ўқитувчи томонидан йўриқномалар, тавсия ва топшириқли варақалар тайёрланиши мумкин. Одатда уларда ишнинг мақсади мужассамланади ҳамда таркибига ишни бажариш режаси ва топшириқлари киритилади. Бундай варақалар ўқувчилар олдига қўйилган масалани мустақил ечиш, тажрибаларни кетма кет амалга ошириш малакаларини ривожлантиради. Мазкур топшириқ варақалари билан ишлаш жараёнида ўқувчиларнинг илмий тадқиқотчилиги, фаоллиги ортиб боради
Физика лабораториясида хавфсизлик техникаси қоидалари
Қоидалар ўқувчиларга ўқиб берилади, ҳар бир қоиданинг моҳияти тушунтирилади ва улар физика лабораториясининг кўринадиган жойига илиб қўйилади.