Darsning texnologik xaritasi mavzu

MASHQLAR BAJARISH

570-mashq. Gaplarni namunada ko'rsatilgandek tahlil qiling.

Namuna: Biz daladan kech qaytdik.

Biz (kim?) - olmosh; daladan (qayerdan?) - ot, chiqish kelishigi, birlik sonda; kech (qachon?)-ravish; qaytdik (nima qildik?)-fe'l, o'tgan zamon, I shaxs, ko'plik.

1. Mana, uzoqda bombalar portladi. 2. Ko'ryapman, ko'ryapman, senhamqara, kimdir kelyapti.

3. Shu paytda uzoqdan ikki otliq ko'rindi. 4. Ziyodning cho'ntagida bitta konfet bor ekan.

5. Qo'rqmas archasini yasatib, eng uchiga katta yulduzchani ildi.

571-mashq. Sinfda «Kim yaxshi uddalaydi?» musobaqasini o'tkazing.

U ikki bosqichda bo'ladi. Birinchi bosqichda hamma bittadan gap tuzadi. Undagi barcha so'zlar mustaqil so'zlarga oid bo'lishi kerak. Demak, gapda oltita so'z bo'ladi. Gapdagi so'zlar soni oltitadan kam yoki ko'p bo'lishi ham mumkin. O'rinli qo'llangan yordamchi so'zlar ham hisobga olinadi. Har bir so'z uchun bir ball beriladi.

Ikkinchi bosqichda o'quvchilar o'zi tuzgan gapdagi so'zlarni o'zgartirib chiqishi kerak. Otni boshqa bir otga yoki olmoshga, sifatni boshqa darajaga, fe'lni boshqa shaxs, son va zamonga o'zgartirishi kerak va hokazo. Har bir o'zgartirish uchun bir ball beriladi.

Namuna: Kecha Karim senga chiroyli gullar sovg'a qildi.

O'zgartirish: Bugun men faqat unga chiroyliroq gul sovg'a qilmoq- chiman.

UYGA VAZIFA

572-mashq. Uyga topshiriq. Rasmga qarab «Maktab bog'ida» mavzusida hikoya tuzing. Fe'llarni uchala zamonda, turli shaxs-son qo'shimchalari bilan qo'llang.

Tayanch so'zlar: bog', ko'chat, daraxt, chelak,ohak, cho'tka, belkurak, mevali, manzarali, bahor, ekmoq, suv quymoq, yumshatmoq, chiroy ochmoq, hosil olmoq
Ko’rildi: _________________________12. 05.2017

IBM mudiri:____________ A. Mamataliyev

V “A” “B” “D” sinf Ona tili № 192/38

Mavzu: YORDAMCHI SO'ZLAR bo’yicha o’tilganlarni takrorlash