Bolalar adabiyoti o‘zbekiston respublikasi oliy va o‘rta maxsus ta’lim vazirligi

Miraziz A’zam
(1936 - yilda tug‘ilgan)
Iste’dodli bolalar shoirlaridan biri Miraziz A’zamdir. Uning
„Metallurg“, „Aqlli bolalar“, „Senga nima bo‘ldi?“, „G‘alati
tush“, „Yer aylanadi“, „Yerga dovrug‘ solamiz“, „Bir cho‘ntak
yong‘oq“ kabi kitoblari chop etilgan.
Miraziz A’zam dostonnavis qalamkashlardan biri hisoblanadi.
Bu jihatdan qaraydigan bo‘lsak, uning „Asror“, „Erk qushi“,
„Ona yurt osmonida“, „Antiqa“ dostonlari bolalar adabiyotida
muhim o‘rin tutadi.
ASROR
(Dostondan parcha)
Yig‘ilish davom etadi
1 1
Asror minbarga chiqdi,
Ozroq turdi shalvirab.
Uzr aytdi kimgadir,
Keyin birdan qaltirab,
Bo‘g‘ilib dedi: — Ra’no!
Senga bir savolim bor...
Ra’no dedi: — So‘rayver!
Mening javobim tayyor!
— Nega pilla qurtiga
Qo‘noq tut kesmadingiz?
— Qo‘noq tutning bargida
Shirasi kammi debmiz.
— Asosingiz bormidi?
www.ziyouz.com kutubxonasi

---

1 8 8
— Qurt qo‘noq barg yemadi.
— Qo‘noq sabab ekanmi?
(Ra’no javob bermadi.)
Javob qaytar. Javobing
Òo‘g‘ri bo‘lsin misli o‘q.
— Bizga tut bargi kerak!
Qay xilidan? Farqi yo‘q!
— Bu gal to‘g‘ri gapirding:
Qurt tut bargga parvona.
„Qo‘noq tutni yemadi“ —
Degan gaping bahona.
Siz qo‘noq tut kesishga
Erinchoqlik qilgansiz.
Baliq tutni kesishni
Qulayroq deb bilgansiz.
Yo qolmagan hoynahoy
Butalmagan qo‘noq tut.
Xo‘jalikdan olgansiz
Mo‘ljal bilmay ko‘proq qurt.
Endi reja to‘lsin deb,
Aylanarsiz uyma-uy.
Chalasiz-da, chor-nochor,
O‘zingiz to‘qigan kuy...
Zirillab yurgandirsiz
Endi quloqni ushlab.
Nima qilasiz bunda
Aybingizni xaspo‘shlab?!
1 2
Asror qaddin rostladi,
O‘yga botdi ko‘zlari.
Chamasi u xotirjam
Òa’sirchan so‘z izladi.
Lekin bundan voz kechib,
Peshonasin ushladi.
Gapirganday o‘ziga
Asta so‘zlay boshladi:
— U kungi ko‘ngilsiz gap
O‘ylatib qo‘ydi meni.
Hamon tashib yuribman
Qalbimning alamini.
www.ziyouz.com kutubxonasi

---

1 8 9
Kezdim hovlima-hovli,
Òomorqama-tomorqa.
Bir gapni aytib qo‘yay
Dalillarga qilib orqa:
Bu yil qishloqda hech kim
Òut mevasin yemaydi.
Yillar o‘tib bolalar
Shinni nima, bilmaydi.
Buning uchun kim aybdor?
Birov emas. O‘zimiz.
Reja desa ko‘rmaydi
Hech narsani ko‘zimiz.