Bachadondan anomal qon ketishlar. Bachadon miomasi, endometrioz. Bachadon miomasi

Mutloq ko’rsatmalar:

1.   Ayollar hayoti xavf ostida bo’lsa.

2.   O’pka va yurak faoliyaitning yetishmovchiligi kuzatilsa.

3.   Qon kasalligi.

4.   Тromboembol holatlar.

5.   Buyrak usti bezining yetishmovchiligi.

6.   Insult oldi holatlari.

Jarrohlik usullari

1.   Konservativ miomektomiya – bachadonni saqlab qolgan holda bir yoki bir necha tugunni olib tashlash. Bu usul ko’pincha yosh va tug’ishga xohishi bo’lgan ayollarda qo’llaniladi. Miomektomiya laparoskopiya, gisteroskopiya, hamda laparotomiya paytida bajarilishi mumkin:

a) agar submukoz miomani olib tashlash uchun bachadon bo’shlig’iga kirilsa, keyinchalik tug’ruq faqat operativ yo’l bilan hal qilinadi.

b) operatsiya vaqtida va keyin ko’p qon ketish ehtimoli bor; keyinchalik bachadon va ichak orasida bitishmalar vujudga kelishi mumkin.

d) 30% hollarda operatsiyadan keyin miomaning qayta o’sib chiqish hollari kuzatilgan.

e) miomektomiyadan keyin homilador bo’lish 40% ayollarda kuzatilgan.

f) operatsiyadan keyin albatta gormonal funksiyani va hayz siklini korreksiyalash (tiklash) lozim.

Operatsiya hajmi individual ravishda hal qilinadi.

35 yoshgacha (40-45 yoshdagi bo’lgan ayollarda) operatsiyani rekonstruktiv olib borish va tuxumdonlarning buzilgan funksiyalarini korreksiyalash muhimdir.

2.   Menopauzadan oldin ko’pincha bachadonning qin usti amputatsiyasi qo’llaniladi.

3.   Menopauzada so’ng bachadon ekstirpatsiyasi qo’llaniladi. Bachadon bo’ynida patologik holatlar topilsa (eroziya, polip, chuqur yirtilishlar, leykoplakiya va eritroplakiyalar, displaziya, endometrioz) ham ekstirpatsiya qo’llaniladi.

 4.  50 yoshdan oshgan ayollarda ko’pincha bachadon bilan birga tuxumdonlar ham olib tashlanadi, shunda qaytalanish va rak kasalliklarining oldini olish mumkin.