Avtotransport vositalarining diagnostikasi

Авто GPS (global positioning system)

Бугунги кунда, GPS - приёмник, навигация ва транспорт назорат қилиш тизимларида, "қора қути" принципи асоссида ишлайдиган борт қурилмаларида, автомобил ҳимоя тизимлари ва автосигнализацияларда, шахсий ҳимоя воситаларида ва навигацияда ишлатилади. Автоҳавоскорлар учун навигация қурилмалари ҳали ҳам дабдабалик предмети бўлиб қолаётган бўлса ("12 вольт клуби” журнали маълумотига кўра, сўралганларнинг 42% GPS навигация тизимидан фойдаланишмаётганлигига сабаб қилиб, унинг юқори қийматини айтишган), транспорт воситалари турган жойини назорат қилиш тизими илғор автотранспорти корхонасининг муҳим хусусияти ҳисобланади.

GPS ривожланиши, 1973 йилда АҚШ ҲҲК полковниги Брадфорд Паркинсон (Parkinson) бошчилигида бошланган. Тизим ҳозиргача АҚШ ҳарбийлари томонидан ҳарбий мақсадларда эксплуатация қилиниб ва қўллаб-қувватланиб келмоқда, шу билан бирга тизимдан фуқаролик мақсадида ҳам фойдаланиш мумкин. Тизим ўз таркибига 24 та ернинг сунъий йўлдошини олган бўлиб, улар олти орбитал текисликларида 17700 километр (11000 миль) баландликда бир-биридан 60° масофада Ер атрофида айланади. Бу йўлдошлар туркуми GPS приёмникка исталган вақтда, ернинг исталган нуқтасидан бештадан саккизтагача йўлдошлардан фойдаланиш имконини беради.

GPS-технологияларидан фойдаланишга асосланган АВАCCО Экспедитор аппарат-дастурий комплекси - раҳбарлари транспорт воситалари парки ҳақида (маршрутлари, маршрутдаги ҳаракат тезликлари, туриб қолиш вақти, ёнилғи-мой сарфи) аниқ маълумот олиш, ҳайдовчиларнинг интизомий бузилишларни аниқлашга интиладиган автокорхоналар учун мўлжалланган. Комплекс нархи - функционал имкониятлари – сифати бўйича оптимал нисбатга эга. АВАCCО Экспедитор диспетчер пунктидаги компютерда ўрнатилган сунъий йўлдош навигация қурилмаси (GPS-приёмник) ва дастурий таъминот иборат.

Комплекс таркибига (1.2-расм) қуйидагилар киради:

1. GPS приемник.

2. GPS приемникни CОМ порт орқали компютерга улаш учун интерфейс симлари ва энергия таъминот манбаига уланиш кабели.

3. Электр таъминот блоки.

4. GPS антенна.

5. GPS приемникни транспорт воситасига панелдаги чекиш уяси орқали уланиш учун интерфейс сими.

6. Компютерга ўрнатиш учун дастурий таъминот (дискета ёки CD бўлиши мумкин)