Andijon davlat tibbiyot instituti

Hab dorilar (Pilyulalar) Pilulae. Hab dorilar - ichish uchun mo‘ljallangan qattiq dori shakli bo‘lib, shakli shariksimon, vazni esa 0,1-0,5 g bo‘ladi. Hab dorilar faqat dorixonalarda tayyorlanadi. Dori moddasi pilyula massasi bilan qorishtirilib, qattiq xamir tayyorlab, teng 25 yoki 30 ga bo‘lib, shariksimon shaklga keltirilib, bir-biriga yopishmaydigan qilib, likopodiyga chilab bemorga beriladi. Hozirgi paytda hab dorilarni juda qulay dori shakllaridan-tabletka va drajelar tomonidan siqib chiqarilgan.
Karamellar - Caramel - shirin qattiq dori shakli bo‘lib, tarkibida dori va qand, kraxmal, ta’mni yaxshilovchi moddalar, oziqaviy bo‘yoqlar saqlaydi. Karamellar asosan og‘iz bo‘shlig‘i va halqum shilliq qavatlari kasalliklarini davolash uchun qo‘llaniladi. Zamburug‘li kasalliklarni davolashda dekamin karameli chiqariladi.
Karamellarga retsept quyidagicha yoziladi. Misol: 15 smg dekamin (Decaminum, Dequalinium chloride) saqlovchi karameldan 100 ta buyurilsin. 2 ta karameldan to‘la so‘rilguncha har 5 soatda lunjga yoki til ostiga qo‘yish uchun.

Rp.: Caramel Decamini 0,00015

(Dequalinium chloride)
D.t.d. N. 100
S. 2 ta karameldan to‘la so‘rilguncha har 5 soatda lunjga yoki
til ostiga qo‘yish uchun.


Pastilkalar yoki troshe (Trochiscius) qattiq dori shakli bo‘lib, yassi pardasimon bo‘lib, asosan og‘iz bo‘shlig‘i kasalliklarini davolashda ishlatiladi. Pastilkalar og‘iz bo‘shlig‘ida to‘la so‘rilguncha uzoq vaqt ushlab turiladi.
SUYuQ DORI ShAKLLARI

Suyuq dori shakllariga eritmalar, damlamalar, qaynatmalar, tindirmalar, emulsiyalar, suspenziyalar, suyuq ekstraktlar, shilimshiqlar, siroplar, miksturalar, shiralar kiradi.

Eritmalar - Solutiones
(Eritma - bosh kelishik birlikda Solutio, qaratqich kelishik birlikda Solutionis,
qisqartmasi Sol.)

Eritma - dori moddasini erituvchida eritish yo‘li bilan tayyorlanadigan (dori va erituvchidan tarkib topgan) suyuq dori shaklidir. Eritmalar sirtga ishlatish uchun (ad usum externum), ichish uchun (ad usum internum) va in’eksiya uchun (pro injectionibus) qo‘llaniladi.

Erituvchi sifatida ko‘pincha distillangan suv (Aqua destillata), ba’zan 70%, 90%, 95% etil spirti (Spiritus aethylicus 70%, 90%, 95%), glitserin (Glycerinum), suyuq moylar: vazelin moyi (OleumVaselini), shaftoli moyi (Oleum Persicorum) va boshqalar ishlatiladi. Shuning uchun suvli, spirtli, glitserinli, moyli eritmalar farqlanadi. Eritmalar - chin va kolloid bo‘lishi mumkin. Chin eritmalar tiniq, o‘zida hech qanday cho‘kma bo‘lmasligi kerak. Kolloid eritmalarga kollargol, protargol, shilimshiq eritmalari kiradi.