А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

4.1. "Ақлий ҳужум" бўйича умумий хулосаларнинг чиқарилиши
"Ақлий ҳужум" методини ўтказувчи зудлик билан ғояларни олдингга қўйилган мақсаддан келиб чиққан ҳолда таҳлил қилади ва мавжуд бўлган эски ғоялар билан қиёсланади. Бундан ташқари, "Ақлий ҳужум"нинг ўтказиш жараёнига қисқача баҳо беради. Шу ўринда натижага алоҳида эътибор қаратилади. Энг келажаги бор ғоялар реал амалий фаолиятда қўлланилиши таъкидланади.
Хулоса
"Ақлий ҳужум" методини ҳар хил вариантларда амалга ошириш мумкин:

• 
  Оғзаки индивидуал фикр билдириш. Бунда муаллиф ва унинг ғояси доскада муқаррар қайд қилинади;
  
• 
  Гуруҳ билан ишлаш. Бунда командаларнинг гуруҳий ғоялари қайд қилинади;
  
• 
  "Ақлий ҳужум" методи "Ғоялар конференцияси" кўринишида ҳам амалга оширилиши мумкин.
  
• 
  "Ақлий ҳужум"нинг яна бир кўринишида муаллифларнинг ўзлари ўз фикрини ёзадилар ва уни оғзаки тушунтирадилар.
  

Хулосада шу нарсани таъкидламокчимизки, "Ақлий ҳужум" методи янгилик туйғуси ривожланган, интеллектуал ижод рағбатлантириладиган ғояларни ҳақиқатдан ҳам ҳаётга татбиқ, этиладиган жамоадагина самара бериши мумкин.
Маълумки, баъзи бир ишга тааллукди ўйинларда маълум масалаларнинг Муҳокамаси пайтида "Ақлий ҳужум"дан фойдаланилади. Шунинг учун педагоглар "Ақлий ҳужум" методини ўйин жараёнида қўллаш технологиясини иложи борича мукаммал ўзлаштириб олишлари зурур.
"Янги фикрий ҳужум" методи
"Янги фикрий ҳужум" методи Ж.Дональд Филипс томонидан ишлаб чиқилган бўлиб, уни бир неча ўн (20-60) нафар ўқувчилардан иборат гуруҳларда қўллаш мумкин.
Метод ўқувчилар томонидан янги ғояларнинг ўртага ташланиши учун шароит яратиб беришга хизмат қилади. Ҳар бири 5 ёки 6 нафар ўқувчиларни ўз ичига олган гуруҳларга 15 дақиқа ичида ижодий вазифалар берилади. Топшириқ ва ижодий вазифалар белгиланган вақт ичида ижобий хал этилгач, бу ҳақида гуруҳ, аъзоларидан бири ахборот беради.
Гуруҳ, томонидан берилган ахборот (топшириқ ёки ижодий вазифанинг ечими) ўқитувчи ва бошқа гуруҳлар аъзолари томонидан муҳокама қилинади ва унга баҳо берилади. Машғулот якунида ўқитувчи берилган топшириқ ёки ижодий вазифаларнинг ечимлари орасида энг яхши ва ўзига хос деб топилган жавобларни эълон қилади. Машғулот жараёнида гуруҳ, аъзоларининг фаолиятлари уларнинг иштироклари даражасига кўра баҳолаб борилади.