1-variant. 9-sinfda nutq o‘stirishga qaratilgan mashq va topshiriqlar ishlab chiqish mashg‘ulotning maqsadi

4-laboratoriya mashg‘uloti uchun topshiriqlar
17-variant.
9-SINFDA NUTQ O‘STIRISHGA QARATILGAN MASHQ VA TOPSHIRIQLAR ISHLAB CHIQISH

Mashg‘ulotning maqsadi: talabalarni 9-sinf o‘quvchilari uchun nutq o‘stirish bilan bog‘liq mashq va topshiriqlar ishlab chiqish metodikasi bilan amaliy tanishtirish va ularni ishlab chiqishga tayyorlash.
1-topshiriq. Ko‘p ma’noli va bir ma’noli so‘zlarni o‘qitishga oid metodik tavsiya ishlab chiqing.

2-topshiriq. “Baxt kaliti” mavzusida monologik nutq tayyorlang.

3-topshiriq. Quyidagi matn asosida xatolar ustida ishlang.Undagi (talaffuzga, shevaga, uslubiyatga) oid xatolarni bartaraf etishga doir topshiriqlar tayyorlang.

Darvoza zulfini tushib, eshik qiya ochildi, oppoq ro‘molga o‘ralgan kampirning mushtdekkina boshi ko‘rindi.

— Voy-oy, o‘lay, kimsan, yo‘lovchimisan yoki... Kir, kir, bo‘yginangdan tasadduq...

Adolat yurishga holi qolmay, o‘zini kampir bag‘riga otdi.

— Hay, hay, yiqitvoray deding-ku... Oyog‘ingda oyoq qolmabdi-ya? Kel, qo‘lingni ber, jonim. Ko‘taray desam jonim yarimta...

— Onajon...

— Voy-oy, ona degan tillaringdan o‘rgilay. Nima bo‘ldi, jonim?

Kampir darvozani yopayotib, ko‘cha tarafga nazar tashladi. Shu mahal uch otliq otlarini niqtagancha Quva tomon choptirib o‘tishdi. Kampirning yuragi shuv etdi. Darrov ko‘ngliga kelgan o‘yni quvib chiqarmoqchiday, ko‘ylagi yoqasini ko‘tarib, «puf-puf»ladi. Adolatni suyab uyiga olib kirdi. Uni yonboshlatib, sekin o‘rnidan turdi.

— Bolam, kechagi ko‘mochim bor. Oqshomda chavati qilgandim, tatigin, xo‘pmi, o‘zingga kelasan...