1-ma’ruza: atom fizikasi faniga kirish. Fanning maqsadi va vazifalari

Anaksagor fikrlari

Qadimgi yunon faylasufi Anaksagor (eramizgacha 500-428) fikricha materiya asosida juda kichik bo‘lgan zarralar moddaning urug‘lari turadi, ularning sifatlari ham cheksizdir deb hisobladi. Anaksagorning aytishicha hamma narsada, hamma narsaning ulushi bor, qaysi narsaning ulushi ko‘p bo‘lsa, har bir alohida narsa o‘sha narsaga ko‘proq o‘xshaydi. Tabiatdagi har qanday o‘zgarish abadiy va doimiy bo‘lgan modda urug‘lari munosabatining o‘zgarishi natijasidir.

Levkipp va Demokrit fikrlari

Atomistik materializm asoschilari bo‘lgan qadimgi yunon faylasuflari Levkipp (eramizgacha V asr) va Demokritlar (eramizgacha 460-370) atom nazariyasini ilgari surdilar. Bu nazariyaga ko‘ra, har bir modda bo‘linmaydigan mayda zarralardan, ya’ni atomlardan tuzilgan. Ularning fikricha, atomlar mutlaq bo‘lib, ularda bo‘shliq yo‘q. Ular cheksiz fazoda bir-biridan alohida ajratilgan bo‘lib, tashqi shakli, o‘lchami, holati, tartibi bilan farq qiladi.

Levkipp

Demokrit