Hotamova iroda ibrohimovna ingliz

Tadqiqotning vazifalari:

• 
  qo’shma so’zlar lingvisik tadqiqot obyekti sifatida o’rganish;
  
• 
  ingliz va o’zbek tillaridagi qo’shma so’zlar klassifikatsiyani taqqoslash;
  
• 
  kognitiv tilshunoslik va uning tilni tadqiq etishdagi hissasini ochib berish;
  
• 
  kognitiv analiz metodlari bilan tanishish;
  
• 
  ingliz va o’zbek tillaridagi qo’shma so’zlarning kognitiv modellarini, ulardagi o’xshash va farqli tomonlarini aniqlash;
  
• 
  ingliz va o’zbek tillaridagi qo’shma so’zlarning konseptual xilma- xilligini ochib berish.
  

Ilmiy ishning obyekti va predmeti. Tadqiqot obyekti sifatida ingliz va o’zbek tillaridagi qo’shma so’zlar xizmat qildi. Tadqiqot predmeti sifatida ingliz va o’zbek tillaridagi qo’shma so’zlarning kognitiv xususiyatlardagi o’xshash va farqli tomonlari o’rganiladi.
Tadqiqotning metodologik asosi sifatida O‘zbekiston Respublikasi birinchi prezidenti I.A.Karimovning falsafiy va ijtimoiy asarlari, O’zbekiston Respublikasi Kadrlar tayyorlash milliy dasturi, ta’lim-tarbiyaviy ishlar to‘g‘risidagi hujjatlar hamda tilshunoslikning umumiy va xususiy nazariyasi, tilshunoslikning so’z yasalish qatlami bo‘yicha (V. Evans and M. Green, G. Lakoff, Sh.Rahmatullayev, B.Yo’ldoshev va boshq) olib borilgan tadqiqotlar xizmat qilgan.

Tadqiqot metodlari:

• 
  lingvistik tavsiflash metodi (tilshunoslik, asosan, qo’shma so’zlarga oid hodisalarni tahlil qilish va tavsiflash maqsadida);
  
• 
  komponent tahlil metodi (qo’shma so’zlar tarkibini o’rganish uchun);
  
• 
  kognitiv tahlil metodi (qo’shma so’zlarning kognitiv modellari va arxisemalarini o’rganish uchun);
  
• 
  qiyosiy metod (ingliz va o’zbek tillaridagi qo’shma so’zlar jihatlarini aniqlash maqsadida).
  

Tadqiqotning materiali sifatida ingliz va o’zbek tillarining izohli, sinonimlar lug’atlari hamda, ommaviy- axborot vositalari va badiiy adabiyotlardan foydalanildi.