Холдор Чиниқулов, Анвар Жўлиев

157-расм. Дунѐ океани тубининг топографик харитаси.
Океан ва денгизлардаги сув 850 млн км
3 
ни ѐки ер шари уму-
мий ҳажмининг 0,13 % ни ташкил этади.

---

308 
Дунѐ океанининг таркибига: 1) Атлантика, Тинч, Ҳинд ва 
Шимолий муз океанлари; 2) океанлар билан бевосита алоқада 
бўлган ва улардан ороллар, яримороллар ѐки сувости тизмалари 
билан ажралган ташқи денгизлар (Баренцев, Беринг, Охота, Япон, 
Кариб ва б.); 3) қуруқлик ичига анча кириб борган ва океан ѐки 
унга туташган денгиз билан бўғоз орқали қўшилган континентичи 
денгизлари (Ўрта ер денгизи, Қора, Болтиқ, Оқ ва б.) киради. 
Каспий ва Орол денгизларини қолдиқ денгизлар сифатида шартли 
равишда шу қаторга қўшиш мумкин. Бу денгизларнинг океанлар 
билан 
сув 
алмашиниши 
қийинлиги 
туфайли 
уларнинг 
гидродинамикаси, газ режими ва шўрлиги ўзгача бўлади. 
Океанлар рельефида учта йирик геоморфологик бирликлар: 
материкларнинг сувости чеккаси, Дунѐ океани ложаси ва ўртаокеан 
тизмалари (ЎОТ) ажратилади (158-расм). Океанларнинг ўртача 
чуқурлиги - 3,8 км, максимал чуқурлиги эса - 11,034 км (Челленжер 
нови -Мариана новининг бир қисми). 
Энг йирик ҳавза 
бўлиб Тинч оке-
ани ҳисоблана-
ди, у Ер сирти-
нинг 1/3 ни 
қоплаб олган. 
18.1. Материкларнинг сувости четлари 
 
Материкларнинг сувости четлари ѐки континентал четлар кон-
тинентлар ва океанлар орасидаги зоналар ҳисобланади ва уч турга 
бўлинади. Булар пассив (атлантик), фаол (тинчокеани) ва 
трансформали турлардир. 
Тинчокеани туридаги фаол континентал четлар пассив 
атлантика туридан ѐш вулканизм, зилзилалар, тектоник 
деформациялар, оролли ѐйлар ва чуқурсув новлари туфайли 
рельефининг кескин парчаланганлигада ифодаланган юқори 
тектоник фаоллиги билан фарқ қилади.