Холдор Чиниқулов, Анвар Жўлиев

12-расм. Нептуннинг кўриниши. 

---

30 
Плутон 
 
Плутон - карлик планета. 2006 йилнинг 24 августигача Қуѐш 
тизимидаги тўққизинчи планета деб саналиб келинган, аммо 
ХАИнинг XXVI Бош ассамблеяси қарори бўйича бу статусдан 
маҳрум этилган. Плутон 1930 йили 18 февралда америкалик 
астроном Клайд Томбо (Clyde W. Tombaugh) томонидан кашф 
этилган.
Плутон 1930 йил май ойида Халқаро астрономик иттифоқ 
томонидан расмий равишда планета деб тан олинган. Ўша вақтда 
унинг массаси Ерникига яқин деб тахмин қилишган. Ҳақиқатан эса 
Плутоннинг массаси Ерникидан 500 марта ва ҳатто Ой массасидан 
ҳам кам бўлиб чиқди. 
Қуѐшдан Плутонагача ўртача масофа 5,913 млрд. км, аммо 
орбитаси эксцентриситетининг катталиги (0,249) туфайли бу 
масофа 4,425 дан 7,375 млрд. км гача ўзгаради. Қуѐш ѐруғлиги 
Плутонгача беш соат мабойнида етиб боради. Плутон орбитаси 
Нептун орбитасига нисбатан Қуѐшга яқин жойлашган. Натижада 
перигелийда Плутон саккизинчи планетага нисбатан Қуѐшга 
яқинроқ туради. Бунда Плутон ва Нептун орбиталари ўзаро 
кесишмайди, чунки Плутон орбитаси эклиптика текислигига 
нисбатан 17,15° қия жойлашган. Бундан ташқари, Плутоннинг 
орбитал айланиш даври 247,69 йилга тенг ва Нептун уч марта 
айланганда Плутон икки марта айланади.
Плутон 
жуда 
кичиклиги 
туфайли замонавий телескопларда 
ҳам кучсиз ѐритилган нуқтадай 
бўлиб 
кўринади 
(13-расм). 
Плутоннинг 
айланиш 
ўқи 
орбитасининг текислигига 12,5° 
қияланган.
Плутон сийрак атмосферага 
эга бўлиб, унинг зичлига ва 
қалинлиги 
Қуѐшгача 
бўлган 
масофага боғлиқ ҳолда кучли 
ўзгаради. Унинг таркиби углерод 
ва метан қўшимчаларига эга бўлган 
азотдан иборат.