Hkm 0 ta kazus metodologiya – 10-kazuslar

12-kazus
Tasavvur qiling: oʻqishni bitirib, yuridik firmaga ishga kirdingiz. Rahbaringizning gap-soʻzlari, feʼl-atvorida Siz kutgan axloqiy sifatlar oʻrniga qoʻpollik va andishasizlik alomatlarini payqadingiz. U ish boʻyicha xodimlarning fikrini inobatga olmaydi, firma faoliyatida qandaydir kamchilik aniqlanadigan boʻlsa, tekshiruv oʻtkazmasdan darhol xodimlarni jazolashga kirishadi. Yangi jamoada oʻzaro munosabatlar muhiti ham ancha tarang. Xodimlar oʻrtasidagi munosabatda antipatiya va bir-birini tushunmaslik holatlari kuchayib borayapti.

1. 
   Yuridik firmadagi bu vaziyatni yumshatish, jamoa aʼzolari oʻrtasida insoniy munosabatlarni qayta tiklash mumkinmi? Fikringizni izohlang.
   
2. 
   Rahbar va lider oʻrtasida qanday farqlar bor?
   
3. 
   Firma rahbarining boshqaruv tipini aniqlang. Yana qanday boshqaruv tiplarini bilasiz?
   
4. 
   Antipatiyaga qarshi qanday kurashish mumkin, deb oʻylaysiz?
   

Birinchi muammoga yuzlanadigan bo’lsak, mening fikrimcha yuridik firmadagi bu vaziyatni yumshatish mumkin. Masalan men yuridik firma xodimi sifatida muzokara olib borish tashabbusi bilan boshqa xodimlarga murojaat qilgan bo’lar edim. Avvalo rahbar boshqa xodimlariga mehribon bo’lib, ularni tushuna olib, ular bilan birga ishlasagina muvaffaqiyatga erishish mumkin. Shunday ekan, men boshqa xodimlar bilan birgalikda rahbarga iltimos bilan murojaaat qilib, ishdagi tajanglik, yomon kayfiyat, qo’pollik boshqa xodimlarga ham ta’sir qilishi va bu samaradorlik koeffitsientini tushirib yuborishi haqida aytib o’tgan bo’lar edim hamda rahbar va xodimlar o’rtasidagi munosabatlarni ijobiy tomonga o’zgartirish uchun treninglar tashkil qilish taklifini berar edim yoki dam olish kunlari ziyofatlar tashkil qilish ham har ikki tomon uchun munosabatlarning yaxshilanishiga olib kelishi mumkin. Bu kabi muzokara, trening va zioyofatlar xodimlarning o’zaro munosabatlariga hamda rahbarning ham xodimlariga nisbatan munosabatlari o’zgarishiga, ular o’rtasidagi munosabatlarda iliqlik bo’lishiga olib keladi.