Hkm 0 ta kazus metodologiya – 10-kazuslar

(2) Kompaniyaning tajribali mutaxassisi mijoz bilan muloqotda muzokara oʻtkazish boʻyicha berilgan tavsiyalarning qaysilarini qoʻlladi?
(3) Kompaniyaning ijobiy imijini saqlab qolish uchun mutaxassis kasb etika talablariga rioya qildimi?
(4) Nizoni hal qilishda samarali deb hisoblagan qanday yondashuvlarni bilasiz? Fikringizni izohlang.
Суҳбатдош билан алоқа ўрнатишнинг энг содда ва самарали йўли – бу уни эшитиш ҳисобланади. Шунчаки эшитиш. Зеро, мана шу эътибор кишилар бир-бирига бера оладиган энг муҳим неъмат бўлиши мумкин. Яқин инсонимизни эшитиш билан биз уни дарддан халос қилаётган, сиқилган юрагини ёзаётган, ёмон туйғуларидан қутилтираётган, ҳатто азиз ҳаётини асраётган бўлишимиз мумкинлигини ҳеч қачон унутмаслигимиз керак. Музокаралар – аслида, ҳар қандай аниқ натижага эришиш учун амалга ошириладиган икки ёки ундан ортиқ одам ўртасида фикр алмашиш жараёни. Катта миқдордаги музокаралар ҳар бир инсон ҳаётида мавжуд – ҳаммамиз ҳам биров билан вақти-вақти билан музокарага киришиб, бирор нарсага рози бўлишимиз керак. Ишга жойлашиш, муҳим шартномани тузиш, потенциал бизнес шериклари билан учрашув, мижозга товарлар ёки хизматларни сотиш, оилавий маслаҳат ва бошқалар – буларнинг барчаси музокаралардир. Музокарага тайёрланиш қуйидагилардан иборат:
а. Музокараларни олиб бориш воситаларини аниқлаш;
б. Иштирокчилар ўртасидаги алоқани ўрнатиш;
в. Музокаралар учун зарур бўлган маълумотларни тўплаш ва таҳлил қилиш;
г. Музокара режасини тузиш;
д. Ўзаро ишонч муҳитини яратиш; Музокараларга тайёргарлик кўриш ва уларни ўтказиш. Суҳбат давомида сиз суҳбатдош билан юзма-юз туришингиз ва у билан визуал алоқада бўлишингиз керак. Сизнинг хатти-ҳаракатларингиз ва имо-ишораларингиз суҳбатдошни диққат билан тинглаётганингизни кўрсатсин. Ҳеч қачон унутмаслик керакки, фавқулодда вазиятларда адвокатга мурожаат қилган киши тош девор билан эмас, жонли суҳбатдош билан алоқа қилишни истайди. Ҳеч қачон ўзингизни тинглаётгандай қилиб кўрсатманг, чунки имо-ишоларда ёки юзингизда зерикканингиз билиниб қолади, шу сабабдан муғомбирлик амалда фойдасиз. Музокараларни олиб бориш тамойиллари қандай?
Музокаралар чоғида амал қилиш керак бўлган принциплар рўйхати:
а. Ҳар доим қарши томон биринчи гапиришига рухсат беринг. Уларнинг таклифи сиз кутганингиздан кўра анча фойдали бўлиши мумкин;
б. таклифингизни ифодалашда ишонч ҳосил қилган ҳолда гапиринг, ишончли, ихчам, энг аввало, сизнинг шеригингиз оладиган фойда ҳақида айтиб беринг;
в. ҳеч қачон, улар қанчалик фойдали таклиф бўлмасин, дарҳол тавсия этилган шартларга рози бўлманг;
г. биринчи таклифни қилганингиздан сўнг, шериклар унга жавоб бермагунича, бошқасини таклиф қилманг;
д. бошқа тараф сўрамасидан шартларни камайтириш кучсизликнинг белгисидир;
е. таваккал қилишдан қўрқманг. Бироқ ёлғон гапирмасликка ҳаракат қилинг: агар алдов юзага чиқса, битим амалга ошмаслиги мумкин.
10. 25 yoshimda kompaniyaning direktor lavozimiga tayinlandim. Xizmat vazifamdan kelib chiqib turli insonlar: amaldorlar, biznesmenlar bilan muzokaralar olib borishimga toʻgʻri keldi. Ruxsatnoma, lizensiya, sertifikat, ijara, meditsina xulosasini olish boʻyicha masalalarni hal qilishga toʻgʻri kelardi. Ayniqsa, bitta muzokara xotiramda qolgan. Mening opponentim – toʻqsoninchi yillarda avtokombinatni xususiylashtirish orqasidan boyib ketgan, katta konsern egasi. Shahar markazida ofis, qoʻriqlov xizmati. Men bunday insonlar bilan bemalol tengma-teng gaplasha olaman degan fikrda edim. Oʻzimni muzokaralar qiroli deb hisoblardim. Belgilangan vaqtda uchrashuvga keldim. Qoʻlimda bir quti shokolad. Qimmatbaho mebellar qoʻyilgan katta xonaga kirdim. Mening opponentim kresloda gazeta oʻqib oʻtirardi.