“Himoyaga tavsiya etilsin”

Tadqiqotning vazifalari. 
Ushbu tadqiqot ishining o‘z oldiga qo‘ygan qator 
maqsadlari bo‘lib, ular quyidagilar: 
–
maktab ta’limida modern she’rlarni o‘qitishning ahamiyatini ochib berish; 
–
ta’lim jaroyida modern she’riyatga oid dastlabki bilimlarni berish va 
o‘quvchilarni modern adabiyotdan xabardor qilish; 
–
o‘quvchilarda modern she’rlarni tahlil qilishga oid ko‘nikmalarni 
shakllantirish; 
–
tahlil jarayonida modern she’rlarning an’anaviy she’riyatga o‘xshash 
umumiy va xususiy jihatlarini farqlashni o‘rgatish; 
–
modern she’rlar tahliliga oid yondashuv va tamoyillarni ishlab chiqish; 
–
modern she’rlarni o‘qitishda an’anaviy metodlar bilan birgalikda 
noan’anaviy interfaol metodlarni qo‘llash. 
Ishning yangiligi. 
Tadqiqotda ikki xil yo‘nalishdagi yangilikning guvohi 
bo‘lishimiz mumkin. Avvalo, modern she’riyat o‘qitish metodikasining o‘zi yangi 
bir yo‘nalish deb qaraydigan bo‘lsak, ta’limda qo‘llanilayotgan an’anaviy hamda 
interfaol metodlarni modern she’rlarni o‘qitish jarayoniga tatbiq etish yana bir 
yangilikdir. Shuningdek, tadqiqotda nazariya va amaliyot uyg‘unligini ham 
ko‘rishimiz mumkin, mavzuni o‘tishdan oldingi va keyingi natijalarning tahliliy 
statistikasida bu hodisa yaqqol namoyon bo‘ladi. 
Tadqiqotning nazariy va amaliy ahamiyati. 
Tadqiqotning nazariy 
ahamiyati shundaki, modernizmning dastlab Yevropada paydo bo‘lishi, 
keyinchalik uning o‘zbek adabiyotiga kirib kelishi, adabiyotshunosligimizda 
o‘rganilishi, so‘ngra ta’lim jarayoniga kirib kelishi, maktablarda o‘qitilishi kabilar 
ishning dastlabki bobida o‘z ifodasini topgan. Bunda adabiyotshunos olimlar, 
munaqqidlarning shu yo‘nalishdagi maqolalari va izlanishlari o‘rganildi hamda 
tadqiq etildi. 

---

7 
Tadqiqotning amaliy ahamiyati esa maktab ta’limida modern she’riyatni 
o‘qitish metodikasini ishlab chiqish va uni amaliyotga tatbiq etishda o‘z aksini 
topgan. Bu o‘rinda dars jarayonida qo‘llaniladigan metodlar muhim ahamiyat 
kasb etadi.