Himoyaga ruxsat etilsin ” Fakultet dekani f f. d. L. Raupova “ ” 2019 y

1964-yil – Toshkent davlat universiteti filologiya fakulteti jurnalistika bo‘limini tugatdi.
1970-yil – “Bahor qaytmaydi” qissasi yozildi.
1973-yil – “Qalbingga quloq sol” qissasi yozildi.
1976-yil – “Nur borki, soya bor” romani yozildi.
1982-yil – “Dunyoning ishlari” qissasi yozildi.
1986-yil – “Ikki eshik orasi” romani yaratildi.
1991-yil – “O‘zbekiston xalq yozuvchisi” unvoniga sazovor bo‘ldi.
1996-yil – “Mehnat shuhrati” ordeni sohibi bo‘ldi.
2001-yil – “Buyuk xizmatlari uchun” ordeni bilan taqdirlandi.
2013-yil 24-may – yozuvchi vafot etdi.
O‘quvchilarning fikrlari umumlashtirilib, o‘qituvchi tomonidan mavzuga xulosa yasaladi. Darsda faol ishtirok etgan o‘quvchilar rag‘batlantiriladi.
III.Yangi mavzu bayoni.10 daqiqa.
Dars rejasi:
1. “Ikki eshik orasi” romanida urush va uning fojialari.
2. Urush odamlarining qismati muammosi.
3. Asarning ifoda uslubi, tili va kompozitsiyasi.
O‘tgan darsda O‘tkir Hoshimovning umrbayoni bilan tanishib kelish bilan birga “Ikki eshik orasi” romanini mustaqil holda to‘liq mutolaa qilish vazifasi ham topshirilgan edi.Shuning uchun o‘qituvchi dastlab roman yuzasidan o‘quvchilarning fikrlari bilan tanishadi. So‘ng yo‘naltiruvchi savolla berib, o‘quvchilarning mustaqil fikrlariga e’tibor qaratadi:
1. Romanning umumiy pafosini nima tashkil etadi?
2. Adib qalamga olgan obrazlar xarakterida qanday xususiyatlar tarannum etiladi?
3. Asarning kompozitsion qurilishi qanday tuzilgan?
4. O‘zbek ayollariga xos fazilatlar qaysi obraz qiyofasida yorqinroq aks ettirilgan?
5. Urush mavzusida yozilgan asarlardagi o‘xshash taqdirlarni aniqlang.
Javoblar umumlashtirilib, xulosa qilinadi.
Navbatdagi bosqichda monitoring orqali asar matnidan so‘zlashuv uslubiga xos tanlab olingan iboralar, maqollar namoyish etilib, ma’nosini sharhlash talab etiladi. Masalan, Qora amma tilidan aytilgan “Tilginam tanglaymga yopishsa bo‘lmaydimi?”, “Go‘shtingni bir burdadan qilmasam, yurgan ekanman”, Oqsoqolning “Belida belbog‘i bori” kabi jumlalari.
IV.Mavzuni mustahkamlash.20 daqiqa.
Yangi mavzuni mustahkamlash maqsadida “Blum taksonomiyasi”dan foydalanib, asar yuzasidan quyidagicha tahlil o‘tkaziladi:
“Ikki eshik orasi” asari tahliliga Blum taksonomiyasida belgilangan mezonlar asosida yondashuv qahramonlar ichki dunyosi, xarakter xususiyatlari va muayyan voqelikni turli rakurslarda ko‘ra bilishga, shuningdek, masalaninig induktiv va deduktiv asoslanishiga yo‘naltiruvchi oltita darajasiga muvofiq savol-topshiriqlardan foydalanish mumkin. Masalan: