«himoyaga ruxsat etildi»

Bitiruv malakaviy ishi mavzusining maqsadi. Egri soliqlarning mohiyati, mazmuni, o’ziga xos xususiyatlarini o’rganish, to’g’ri va egri soliqlarni mutanosibligini taxlil qilish, iqtisodiyotga egri soliqlar orqali ijobiy tasir etish va boshqarish hamda tartibga solish, bu boradagi mavjud muammo va kamchiliklarni aniqlash va tegishli xulosalar chiqarish, takliflar tizimini ishlab chiqishdan iboratdir.
Bitiruv malakaviy ishi mavzusining vazifalari. Tadqiqot ishi oldiga qo’yilgan maqsadidan kelib chiqqan holda quyidagi vazifalarni amalga oshirish belgilab olindi:

• 
  Davlat budjeti soliqli daromadlarini barqarorligini ta’minlashni nazariy jihatdan va davr talablariga mos ravishda o’rganib soliqqa tortishning ob’ektiv zarurligini asoslab berish;
  
• 
  Egri soliqlarning xususiyatlarini o’rganish, budjet daromadlarini shakllantirishga tasirini aniqlash;
  
• 
  Soliq siyosatini erkinlashtirishda egri soliqlarni undirishning amaldagi holatini tahlil qilish;
  
• 
  Egri soliqlarni undirishda xorijiy davlatlar ilg’or tajribalarini o’zlashtirish;
  
• 
  Soliq imtiyozlarini berish hisobiga davlat budjeti daromadlarini oshirish yo’llarini o’rganib chiqish;
  
• 
  Egri soliqlarni hisoblash va budjetga to’lash tartibini takomillashtirish yo’llarini yoritish
  

Bitiruv malakaviy ishi mavzusining ob’ekti. Bitiruv malakaviy ishida izlanish obektini soliq tizimini muhim bo’g’ini bo’lgan egri soliqlar, jumladan, qo’shilgan qiymat solig’i, aktsiz solig’i hamda transport vositalariga benzin, dizel yoqilg’isi va gaz ishlatganlik uchun soliq tashkil etadi.
Bitiruv malakaviy ishi mavzusining predmeti. Davlat budjeti daromadlarining shakllanishida soliqlarning kelib tushishi bilan bog’liq munosabatlar tadqiqot predmetini tashkil etadi.
Bitiruv malakaviy ishi mavzusining nazariy va amaliy ahamiyati. Bitiruv malakaviy ishida tadqiqot natijalari bo’yicha ishlab chiqilgan ilmiy takliflar va amaliy tavsiyalardan soliq tizimi va soliqqa tortish mexanizmini takomillashtirishda, soliq siyosati konsepsiyasini ishlab chiqishda va ustuvor yo’nalishlarini belgilashda, soliq munossbatlarini tartibga solishda, soliq bo’yicha meyoriy hujjatlarni ishlab chiqishda foydalanish mumkin.