Himoyaga ruhsat etaman” tarmoq markazi direktori N. A. Muslimov 2021 yil

Bitiruv (loyiha) ishining maqsadi: maktabgacha ta’limda bola shaxsini rivojlantirishga yo‘naltirilgan ta’lim texnologiyalaridan foydalanishning dolzarbligini aniqlash, mavzuni ilmiy-nazariy jihatdan asoslash va ilmiy-metodik tavsiyalar ishlab chiqish.
Bitiruv (loyiha) ishining ob’ekti: “Maktabgacha ta’limda bola shaxsni rivojlantirishda yo`naltirilgan ta’lim texnologiyalari” modulini o`qitishning jarayoni.
Bitiruv (loyiha) ishining predmeti: maktabgacha ta’limda bola shaxsini rivojlantirishga yo‘naltirilgan ta’lim texnologiyalaridan foydalanish mazmuni, shakllari va texnologiyalari asosida “Maktabgacha ta’limda bola shaxsni rivojlantirishda yo`naltirilgan ta’lim texnologiyalari” modulini o`qitish mazmuni, imkoniyatlari va metodikasidir.
Bitiruv (loyiha) ishining vazifalari:

• 
  mavzuni ilmiy-nazariy jihatdan dolzarbligini asoslash;
  
• 
  bola shaxsini rivojlantirishga yo‘naltirilgan ta’lim, uning mohiyati va mazmunini yoritish;
  
• 
  o‘yin texnologiyalari – bola shaxsiga yo‘naltirilgan ta’limning rivojlantiruvchi omili ekanligini asoslash;
  
• 
  shaxsga yo‘naltirilgan ta’lim tizimining altruizmga ta’sirini yoritish;
  
• 
  shaxsni ko‘zda tutgan va individuallashtirilgan o‘qitish texnologiyalarining xorijiy tajriba sifatida tavsifini keltirish;
  
• 
  xorijiy tajribalar asosida bola shaxsini rivojlantirishga yo‘naltirilgan ta’lim texnologiyalaridan foydalanish yuzasidan tajriba-sinov ishlarini yoritish.
  

Bitiruv (loyiha) ishining metodologik asosi. O’zbekiston respublikasining “Maktabgacha ta’lim va tarbiya to‘g‘risida”gi Qonuni⁸, O’zbekiston Res’ublikasi Prezidenti Sh.Mirziyoev tomonidan qabul qilingan Farmon va Qarorlar, nutq va ma’ruzalarda maktabgacha ta’lim tizimini yanada takomillashtirishga qaratilgan yondashuvlar, O’zbekiston respublikasi Hukumatining maktabgacha ta’lim tashkilotlari faoliyatlarini sifat va samaradorligini ta’minlashga oid me’yoriy Hujjatlari, O‘zbekiston respublikasi Maktabgacha ta’lim vazirligining 2018 yil 4 iyuldagi 1450-sonli “O‘zbekiston respublikasining ilk va maktabgacha yosh dagi bolalar rivojlanishiga qo‘yiladigan Davlat talablarini tasdiqlash to‘g‘risida”gi Buyrug‘i⁹, Prezidentimiz tomonidan 2019 yil 19 martda o’tkazilgan videoselektor yig’ilishida ilgari surilgan 5 ta muhim tashabbus, 2017-2021 yillarda O’zbekiston Respublikasini yanada rivojlantirish bo’yicha Harakatlar strategiyasi, mavzuga oid ilmiy­pedagogik, psixologik, metodik manbalar.