Химмотология

8.8. Пластик сурков мойларининг таснифи ва уларни аниклаш усуллари


Сурков мойларининг ассортименти, таркибининг асосий сифатлари, ишлатилиш соҳаси ва уларни танлаш принциплари ҳамда улардан фойдаланишнинг хусусиятлари ҳақида махсус адабиётлар орқали танишиш мумкин.
Пластик сурков мойларининг ишлатилиши бўйича классификацияси қуйидаги гуруҳ турларига бўлинади: антифрикцион, консервацион ва зичлаштирувчи.
Пластик сурков мойларининг таркибини ва хоссаларини ўрганиш қуйидаги хулосаларга олиб келади:
1. Нефть мойлари асосидаги пластик сурков мойларининг таркибига сунъий компонентларни киритиш пластик сурков мойларининг сирт ва ҳажмий ҳарактеристикаларини яхшилайди.
2. Синергизмдан фойдаланиб, қўндирма таркибидаги функционал гуруҳларнинг миқдорини камайтириш ва натижада сурков мойларини
эксплуатация хоссаларини яхшилаш мумкин.
3. Суньий моддалар таъсирида пластик сурков мойларининг асосий
эксплуатация, хоссаларининг барқарорлиги таъминланади.
4. Пластик сурков мойларининг реологик хоссаларини яхшилаш учун
қуюқлаштирувчи модданинг концентрациясини 1-2%га камайтириш мумкин. Совунли сурков мойларини тайёрлашда термомеханик ишлов бериш ҳароратини 10-150°С камайтириш, бунинг натижасида бу унинг таркиби ва технологик хоссаларига ижобий таъсир этиш мукин. Сурков мойларининг юқоридаги хоссаларини яхшилаш, уларни ишлаб чиқариш хажмини камайтиришга, ишлаш қобилиятини оширишга, сурков мойларининг маркаларини умумлаштиришга ва қатор экологик муаммоларни ижобий хал этиш имконини беради.
Зичлаштирувчи ёки тирқиш ва ёриқларни ишончли герметизацияси учун белгиланган сурков мойлари машина ва механизмларнинг ҳаракатланмайдиган узелларини ишқаланишда емирилишдан ҳимоя қилиш учун қўлланилади. Улар техника турли соҳаларида вакуумли асбоб-ускуналарда, маҳкамловчи арматураларда, резбали бирикмаларни мойлашда ва шунга ўхшаш бошқа соҳаларда кенг ишлатилади. Зичлаштирувчи сурков мойларининг асосий истеъмолчиси - нефть ва газ саноати ҳисобланади. Бу ерда уларни задвижка - маҳкамловчи арматураларни меъёрда ишлашини таъминлашда, пукакли кранларда, нефть ва газ қазиб олишда трубаларни ўрнатиш, йиғиш ва ечишни енгиллаштиришда ҳамда бошқа бир қанча мақсадларда кенг қўлланилади.
Нефть мойлари ва пластик сурков мойларининг физикавий - кимёвий ва физикавий - механик хусусиятларини, таркибини ва бошқа тахлилларини уларнинг хоссаларини тўлиқ ўрганиш имконини берувчи классик ва замонавий тадқиқот усуллари фойдаланилди.