Химмотология

5.1. Қўндирмаларнинг умумий таснифи

Қўндирмалар, мураккаб кимёвий бирикма бўлиб молекуласини таркибида алкилфеноллар, олтингугурт, фосфор, О₂, N₂ металлар (Са,Ва, Мg, Zn) киради. Қўндирма молекуласининг таркибига кўпинча гетероатомлар мураккаб группачалар кўринишда, масалан: ксантагенат (1) ва дитиофосфат (II) ҳолида киради.

Қўндирмаларни ишлаб чиқариш кўп босқичли органик синтез жараёни ёрдамида олиб борилади. Синтез жараёнида кўпинча шундай оралиқ стадиялар: алкиллаш, фосфирлаш, олтингугуртлаш, сульфирлаш, карбоксиллаш, хлорлаш, конденсация, полимерлаш олиб борилади. Асосий босқичлардан ташқари ёрдамчи жараёнлар ҳам олиб борилади, масалан: оралиқ моддаларни реакцияга киришмаган моддалардан ажратиш, нейтраллаш, қуритиш, катализатор ва эритувчилардан тозалаш ва ҳоказолар.
Қўндирмаларни ишлаб чиқишда хом ашё сифатида алкилфеноллар, сульфокислоталар, олефинлар, хлорлаштирилган парафинлар, нафталин, олтингугурт ангидриди, карбонат ангидриди, гидрат барий гидрооксиди, кальций гидрооксиди, органик кислоталар, спиртлар ва бошқа моддалар, эритувчилар сифатида бензин, бензол, толуол, ҳар хил спиртлар, керосин, сув ишлатилади. Масалан: кулсиз ишқорий сукцинимид қўндирма икки босқичда олинади.
I – босқичда алкенил янтар ангидрид малеин ангидридга полиолефинни бириктириб олинади.
II – босқичда алкилянтар ангидриди аминлар билан реакцияга киришиб алкенилянтар кислотани имиди – алкенилсукцинимид ҳосил қилади.
5.2. Фосфорли ишқаланишга қарши қўндирма ДФ-II
Бу қўндирма 8-босқичда олинади

1. 
   Изобутил спирт P₂S₅ билан реакцияга киришиб диизобутилфосфор кислотаси олинади ва минерал мой билан суюлтирилади.
   
2. 
   Изооктил спирт P₂S₅ билан фосфорланиб диазооктилди тиофосфор кислота олинади ва минерал мой билан суюлтирилади.
   
3. 
   Реакция натижасида ҳосил бўлган маҳсулотларни механик аралаш-малардан, реакцияга киришмаган P₂S₅ ва смолалардан фильтрлаш йўли билан ажратилади.
   
4. 
   Диалкилдитиофосфор кислотасини аралашмаси рух оксиди билан нейтралланади.
   
5. 
   Нейтралланган маҳсулотни эритувчилар билан суюлтирилади ва центрофугирланади.
   
6. 
   Қайта центрофугирланади ёки фильтрланади.
   
7. 
   Эритувчини ҳайдаб олиш ва минерал мой қуйилади.
   
8. 
   Идишларга солиб товар маҳсулот ҳолатига келтирилади.