Hayvonlar patofiziologiyasi fani va uning rivojlanish tarixi

Qonning ivishini zaiflashishi. Qon ivishini zaiflashishi: 1) organizmga vitamin K etarlicha tushmasligi yoki jigarni patologik jarayonlarida protrombin va fibrinogenlar sintezlanishini buzilishidan. 2)qonda trombotsitlar kamayganida-trombotsitopeniyada. 3) qonda kalsiy ionlarini kamayishidan. 4) organizmda ivishga qarshi sistemani ko‘p ishlanib chiqishi-geparin va boshqalarni. 5) organizmga anti- koagulyantlar ya’ni qon ivishini zaiflashtiruvchi moddalar yuborilganda.
Hayvonlar qoni past ivuvchanlik hususiyatiga ega bo‘lganida ozgina mexanikoviy jarohatlanish teri osti kletchatkasiga, shilimshiq pardalarga, muskullarga va boshqa to‘qimalarga qon qo‘yilishiga sabab bo‘ladi. Eng oson qon oqish burun, o‘pka, ichaklarda yuzaga keladi.
Qon tomirlarini parafin bilan ishlov berib tomirlarda qon to‘plansa qon ivimaydigan holatga keladi. Qonni ivimaydigan holatga keltirish uchun ko‘pincha 5% li limon kislotasini natriy tuzini eritmasidan foydalaniladi. Qonni ivishdan saqlovchi moddalarga shulukni bosh qismidan tayyorlangan ekstrakt (girudin,) dikumarin va boshqa antikogulyantlar kiradi. Bu moddalar trombinni aktivsizlantirib qonni stabilashtiradi. Bu moddalarni stabillashtirish hususiyatidan organizmga to‘g‘ridan - to‘g‘ri yuborib yoki yangi olinayotgan qonga qo‘shib foydalanishimiz mumkin.
Qon ivishini tezlashishi. Qonni ivishini tezlashishi qon tomirlarini jarohatlanishi bilan bog‘liqdir. Qon plastinkalari jarohatlangan qon tomir devoriga oson cho‘kib,past rezistentligi tufayli parchalanadi va aktiv tromboplastin-trombokinaz hosil qiladi. Qonning ivuvchanligi to‘qimalarni kuchli parchalanishidan, organizmga qon zardobi va organlardan tayyorlangan ekstrantlarni yuborib hosil qilinishi mumkin. Ko‘p qon yo‘qotilgandan so‘ng qonning ivuvchanligini oshishi qonga tromboplastin faktoriga boy ko‘p to‘qima aro suyuqliklarini tushishi bilan bog‘liqdir. Shu mexanizmga asoslanib qonga gipertonik eritmalar yuborilganda kalsiy tuzlari, ko‘p vitamin K yuborilishi qonni ivuvchanligini kuchaytiradi. Organizmda qonning ivuvchanligini oshishidan tromboz va emboliyalar hosil bo‘lishi mumkin.