Hayrat ul-Abror (I- qism) Alisher Navoiy

Hayrat ul-Abror (I- qism) 
Alisher Navoiy 
125 
http://ziyonet.uz/ 
Kizb yuzin dudidin aylab qaro.
Sidq ila har garm nafasikim urub,
Revu riyo xirmonini kuydurub.
Qilmay oʻzin ruxsat ishiga samar,
«Mim»i azimat bila bogʻlab kamar,
Sarsari gʻayratni chu bunyod etib,
Hirsu tama’ raxtini barbod etib,
Boʻyla tariqiki qabul aylading,
Koʻyi tarab sori nuzul aylading.
Lek bu yoʻl qat’ida sharti talab,
Bilki tavozu’ bila kelmish adab.
Chunki tavozu’gʻa xam oʻldi hilol,
Boʻldi fuzunroq anga har kun kamol.
Yogʻa tavozu’ sifati berdi dast,
Qadr ila mushaf uza topti nishast.
Charx tavozu’ uza to xam durur,
Tobii amri bori olam durur.
Yo kibi qoshkim bu durur shon anga,
Jonin ulus ayladi qurbon anga.
Elga sharaf boʻlmadi johu nasab,
Lek sharaf keldi hayovu adab.
Chunki yogʻin manbai oʻldi hayo,
Qatrasi tuprogʻni qilur kimyo.
Boʻlmas adabsiz kishilar arjumand,
Past etar ul xaylni charxi baland.
Tarki adabdin biri kulgu durur,
Kulgu adab tarkiga belgu durur.
Qaxqahadin kabk navo kelturub,
Boshigʻa ul kulgu balo kelturub.

---

Hayrat ul-Abror (I- qism) 
Alisher Navoiy 
126 
http://ziyonet.uz/ 
Gʻuncha kulub boʻldi ochilmoq anga,
Etti ochilmoqda sochilmoq anga.
Barqni kulgu yiqibon togʻ aro,
Balki qilib yer quyi tuprogʻ aro.
Subhki, bu sheva pisand aylabon,
Mehr oʻti durrini sipand aylabon.
Kulguki oʻz haddidin oʻldi yiroq,
Yigʻlamoq andin koʻp erur yaxshiroq.
Ravshan etib sham’ni har tun yigʻi,
Elga berib gʻunchani xandonligʻi,
Qildi bulut ashki bila dur nisor,
Boʻldi choqin kulgusidin xoksor.
Mastki yigʻlay yuruy oʻzdin ketib,
Ashki niyozi gunahin pok etib.
Kimda adab, kulguga ochmas ogʻiz,
Lek hayo abri emas qatrasiz.
Qahqahakim, xazl aning yoridur,
Qurbaqa savti bila raftoridur.
Har kishikim xindu oʻlur xazl aro,
Yuzini qilmoq kerak avval qaro.
Harza erur chunki musha’bid soʻzi,
Oʻz tilini koʻrki kesar ham oʻzi.
Ulki soqol bogʻlabon el kuldurur,
Kulgu soqoligʻa oʻzi kelturur.
Qilmoq uchun koʻzga fuzun koʻrkini,
Boshigʻa maymun.chu qoʻyar boʻrkini.
Kulgu uchun kelsa ulus qoshigʻa,
Kulmas ulus yolgʻuz aning boshigʻa.
Masxarakim kulgu uchun boj yer,

---