Hayrat ul-Abror (I- qism) Alisher Navoiy

Hayrat ul-Abror (I- qism) 
Alisher Navoiy 
43 
http://ziyonet.uz/ 
Tirguzub oʻlganni kalomi fasix,
Oʻziga jonbaxsh laqab deb Masix.
Bois oʻlub shah soʻzi bedodga,
Tuxmat oʻlub oʻrtada jallodga.
Soʻzdin etib oʻtgʻa azimat Xalil,
Soʻz yukiga xomil oʻlub Jabrail.
Tengriki, insonni qilib ganji roz,
Soʻz bila hayvondin anga imtiyoz.
Gʻuncha ogʻizlik sanami noʻshlab,
Soʻzdin agar aylasa xomoʻsh lab.
La’li mayi aqlni mast aylasa,
Mast nekim, bodaparast aylasa.
Surat ila boʻlsa maxi osmon,
Surati devor hamon, ul hamon.
Gar chiroyi rashki qamar boʻlmasa,
La’li labi tungi shakar boʻlmasa.
Aylamasa gʻamzani novakfikan,
Qilmasa kirpik safini safshikan
Boʻlmasa gʻoratgaru tannoz ham,
Chin bila husn oʻlsa anga noz ham.
Lek takallum chogʻi aylab itob,
Talx hadis oʻlsavu shirin javob.
Fitna qilib, va’dau paygʻom ila,
Aqlni mast aylasa dashnom ila.
Koʻrguzubon loba malohat uza,
Lobasi tuz sepsa jarohat uza,
Kim ekin ul shu’lagʻa yoqilgʻuchi,
Yo bu jarohatqa davo qilgʻuchi.
Gar boʻlubon husn ila obidfireb,

---

Hayrat ul-Abror (I- qism) 
Alisher Navoiy 
44 
http://ziyonet.uz/ 
Boʻlsa malohat bila husniga zeb.
Oytsa bu husnu malohat bila,
Nuktani oyini fasohat bila.
Solgʻusi jinsi bani odamgʻa oʻt,
Ne bani odam, bari olamgʻa oʻt.
Har dam yetib yelni halok oʻrtagay,
Balki bashar xaylini pok oʻrtagay.
Bazmda har mutribi dastonsaro,
Cheksa tarannum bila dilkash navo.
Naqshda har necha talolo desa,
Yo amal ichra tanadirno desa.
Borchasidin haz yetar ahli uqul,
Gar xud uzoq cheksa boʻlurlar malul.
Yo bu navo zimnida asrab mahal,
Cheksa Navoiy soʻzidin bir gʻazal.
Kim anga alfoz oʻlub otashfishon,
Bersa ulus koʻngliga mungdin nishon.
Bazmda ul lahza aloloni koʻr,
Koʻyi xarobot aro gʻavgʻoni koʻr.
Koʻrki nechukdur yoqo chok aylamak,
Oʻzni figʻon birla halok aylamak.
Donau dur soʻzini afsona bil,
Soʻzni jahon bahrida durdona bil.
Munchaki sharh yetti qalam soʻzga hol
Nasridadur, nazmida bor oʻzga hol.
Soʻz aro yolgʻon kibi yoʻq nopisand,
Aylar aning nazmini dono pisand.
Oʻrnida tishlar duri manzum erur,
Chun sochilur qiymati ma’lum erur.

---