Hayot faoliyati xavfsizligi” kafedrasi «Hayot faoliyati xavfsizligi» fanidan tajriba ishini bajarishga doir uslubiy ko'rsatmalar Navoiy-2021

TAJRIBA ISHLARINI BAJARISHDA ХAVFSIZLIK
ТEХNIKASI QOIDALARI

Tajriba ishlarini bajarish Tajriba xonasidagi ish joylarida mehnat muhofazasi bo’yicha barcha zarur yo’riqlardan o’tgandan keyingina talabalarga mashg`ulotlarni mustaqil bajarishga ruxsat etiladi. Bunda talabalar va yo’riqni o’tkazuvchi shaxs tomonidan "Yo’riqdan o’tganlik to’g`risida qaydnoma" daftariga qayd etilishi va imzolanishi shart.

Navbatdagi Tajriba ishini bajarishda talaba jihozlar va asboblarning tuzilishi va ulardan foydalanish tartibi bilan tanishib, ishni bajarishga huquq beruvchi xavfsizlik bilimlari bo’yicha nazoratdan o’tgandan keyingina kirishishi mumkin.
Tajriba qurilmasida ishlaganda quyidagi xavfli va zararli ishlab chiqarish omillari vujudga kelishi mumkin: elektr qurilmaning yuqori kuchlanish bilan ta’minlanishi, havoning changlanishi, zaharli gazlarning ajralishi, to’g`ridan-to’g`ri tushuvchi yorug`lik ko’zning ko’rishiga zararli ta’sir etishi, yuqori darajali shovqin, ochiq alanga va boshqalar.
Tajriba qurilmalari va Tajriba xonasida xavfli va zararli ishlab chiqarish omillarini xavfsiz ko’rsatkichlarga keltirish uchun quyidagi himoya tadbirlarini ko’zda tutish lozim bo’ladi: nol o’tkazgich va elektr qurilmani avtomatik o’chirish, chang va gaz ajralib chiquvchi joylarni mahkam berkitish (germetizatsiyalash), yong`inga qarshi texnik vositalar, umumhavo almashtirish uchun so’ruvchi shamollatgich, yorug`likdan himoya ekrani, tovushdan himoyalovchi (izolyatsiyalovchi) shovqin kamerasi va boshqalarning mavjudligi.
Tajriba xonasi birinchi tibbiy yordam ko’rsatish uchun dori qutisi (aptechka) bilan ta’minlangan bo’lishi, Tajriba xonasining har 50 m<sup>2</sup> maydoni hisobida bitta o’t o’chirgich (OU-5) bo’lishi lozim, xonaga avtomatik yong`in xabarchilari (signalizatsiya) o’rnatilgan bo’lishi kerak.
Baxtsiz hodisa sodir bo’lgan taqdirda talaba jabrlangan kishiga birinchi tibbiy yordam ko’rsatishni bilishi va amalga oshirishi shart. Tajriba xonasida mehnat muhofazasi qoidalarining buzilishiga talaba ham javobgardir. Aytilganlarni hisobga olib, Tajriba ishlarini o’tkazishda dastavval xavfsizlik talablarini o’rganish zarur bo’ladi.